आफ्नो जीत सुनिश्चित रहेको कुरामा विश्वस्त रमेश चन्द्र कुमाल (भुईंहारे)


नेपालगञ्ज, आफ्नो पहिचान गराउन मोहताज छैनन् रमेश चन्द्र कुमाल । २०७४ सालमा भएको नेपालगञ्ज उमनपाको स्थानीय निर्वाचनमा उनी नगर उपप्रमुख पदको लागि उम्मेदवारी दिँदा कालो काग ‘काला कौव्वा’ चुनाव चिन्ह प्राप्त भएको थियो ।


उम्मेदवारी दर्ता गराउँदा पहिले उनीलाई चुनाव चिन्ह टायर,आईमाईले लगाउने चुरा लगायत चिन्ह रोज्न भनियो । चुनाव चिन्ह रोज्न अन्यौलमा पर्दा उनीले कालो काग ‘काला कौव्वा’ चुनाव चिन्ह रोजे र स्वतन्त्र उम्मेदवार बने ।


चुनाव चिन्ह लिएर मैदानमा उत्रे र स्थानीय निर्वाचनमा पराजित भएपनि कालो काग ‘काला कौव्वा’ नेपालगञ्ज शहरभित्रै खुबै प्रसिद्धि पायो । अहिले ‘काला कौव्वा’ भन्दा सबै नगरवासी रमेश चन्द्र कुमाललाई चिन्छन् ।


नेपालगञ्ज उमनपा वडा नं. ३ मा उनीको निवास छ । उनीको प्रातः स्मरणीय पिता स्व. भुलई प्रसाद कुमाल प्राध्यापक रहनु भएको थियो । २०२९ जेष्ठ २९ गते ३ नं. वडाको कुम्हारनटोलमा जन्मिनु भएका रमेश चन्द्र कुमाल बहु प्रतिभाशाली, वाक पटुताको धनी व्यक्तित्व हुन् ।


निम्न वर्गमा जन्मेका रमेश चन्द्र कुमाल स्नातक तहसम्म शैक्षिक योग्यता प्राप्त गरेपछि आजीविका चलाउन २०५८ सालदेखि लेखा सम्बन्धी पेशामा संलग्न रहेका छन् ।


यो पेशाबाट हटेर राजनीतिक क्षेत्रमा त्यत्ति नै सक्रियता राखेका छन् । २०४६ सालमा नेपाली काँग्रेसमा प्रवेश गरी सो पार्टीको लागि कार्य गरे ।


राजनीतिमा प्रवेश गर्दा उनीले २०४९ सालमा नेपालगञ्ज नगरपालिकाको सल्लाहकार सभा सदस्यमा काम गर्ने मौका पाए । त्यस्तै उनी नेपाल प्रजापति कुम्भकार संघको के. सदस्य र एम्नेष्टी इन्टरनेशनल बाँकेको सदस्य भई कार्य गरे ।


अवधी भाषामा एउटा उखान छ ‘योग्य पूत के पाँव पालना से देखाई देत है’ अर्थात अगाडि वंशको नाम उचा गर्ने बालकको पाइताला बाल्यावस्थामा झुल्ने झूलाबाट योग्य भएको देखा पर्न थाल्छ ।
यही उखानको चरितार्थ रमेश चन्द्र कुमालले गरी देखाएका छन् ।

शिक्षक पेशामा रहेका स्व. भुलई प्रसाद कुमालको छोरा नेपालगञ्ज उमनपाको स्थानीय निर्वाचनमा उम्मेदवार भई सम्पूर्ण नगरमा अति नै चर्चित बने ।


भनिन्छ जहाँ पराजय छ त्यहाँ नै विजय छ । उम्मेदवारले चुनावमा पराजित भए पनि कहिल्यै हार मान्नु हुँदैन अन्तमा विजय त्यसको हुन्छ, अवश्य हुन्छ । यस्तै कुराको मनन गरी रमेश चन्द्र कुमाल विभिन्न संघ–संगठनको निर्वाचनमा सहभागी बन्दै आएका छन् ।


वर्तमान समय उनी कर सहयोगी श्रमिक संगठन नेपालको संयुक्त जिल्ला कमिटी नेपालगञ्जको अध्यक्ष पदमा रही व्यापारी उद्योगीलाई कर सहयोगीको रुपमा सहयोग दिँदै आएका छन् ।
उनी यसअघि नेपाल लेखापढी व्यवसायी एसोसिएशन जिल्ला कार्य समिति सदस्य पदमा निर्विरोध निर्वाचित भई कार्य गर्दै आएका छन् ।


सामाजिक क्षेत्र, धार्मिक क्षेत्रमा त्यत्ति नै उनी सक्रिय छन् । मानव अधिकार तथा शान्ति समाजको आजीवन सदस्य र श्रीराम लीला सञ्चालक समिति, नेपालगञ्जको आजीवन सदस्य रहेका छन् ।


बडादशैंमा रावणको पुतला दहन कार्यक्रममा रावणको पुतलामा पटाखा लगाउने कार्यदेखि पुतला बनाउने र दहन गर्ने कार्य उनीको नै रेखदेखमा हुने गर्छ ।


रमेश चन्द्र कुमाललाई पत्रकारिता गर्न त्यत्तिकै नै सोख छ ।
पत्रकारिता क्षेत्रमा आफ्नो सक्रियता बढाउन उनले २०७५ सालमा नेपाल प्रेस इन्स्टिच्यूटको आयोजनमा भएको पत्रकारिता तालिममा भाग लिई पत्रकारिताको तालिम समेत लिई विभिन्न पत्रपत्रिकामा लेखनी गर्दै आएका छन् ।


अब उनी नेपालगञ्ज उद्योग वाणिज्य संघको माघ ११ गते हुने भएको संघको नयाँ कार्य समिति चयनको लागि भई रहेको निर्वाचनमा सदस्य पदमा (स्वतन्त्र) उम्मेदवारी दर्ता गराएका छन् ।


यस निर्वाचनमा सहभागी हुन उनीले सबै भन्दा पहिले नामांकन पत्र दर्ता गराएपनि निर्वाचनमा उनीलाई क्र.सं. १८औं मा समावेश गरेको छ ।


संघको निर्वाचनमा चुनाव चिन्ह नरहेपनि उनी जताजता प्रचार प्रसार गर्न पुग्छन् काला कौव्वा आयो हामी यसैलाई भोट दिई विजयी बनाउँछौं मतदाताहरुले भन्न शुरु गरेका छन् ।

उनी जहाँजहाँ आफ्नो प्रचार प्रसार गर्न पुगेका छन् प्रायः सबैले उनीलाई विजयी भव भनी आशिर्वाद दिएका छन् ।
मकर संक्रान्ति माघी पर्वमा उनीले श्री श्री १००८ श्री प्रख्यात सन्त बाबा हरिशंकर गिरीबाट विजयी हुने आशिर्वाद पाएका छन् ।

यस्तै रामनगरस्थित हडिया दादाको आशिर्वाद ग्रहण गरेकाले उनी आफू विजयी हुने कुरामा पूर्ण रुपले विश्वस्त छन् ।


यसपालिको निर्वाचनमा आफू विजयी भए उद्योगी व्यवसायीको हितको लागि निःशुल्क रुपले उनीलाई करमा सहयोग गर्न आन्तरिक राजस्व कार्यालयमा छुट्टै बेन्च स्थापना गरी कार्य गर्ने वचनबद्धता प्रकट गरेका छन् ।


त्यस्तै नै उनीले आफू विजयी भए संघको विधान संशोधन गराई संघको सबै सदस्य अध्यक्ष पदको उम्मेदवारी दर्ता गराउन सक्ने प्रावधान ल्याउने भनेका छन् । रमेश चन्द्र कुमालका पुर्खा नेगउमनपा वडा नं. ३ मा स्थापित रहेको काली माता मन्दिरको नगर भुईँहार (पुजारी) रहँदै आएका छन् ।


अतः पुर्खाले चलाएको परम्पराको निर्वाह गर्दै रमेश चन्द्र कुमाल पनि वर्षमा १ पटक काली माता मन्दिरमा हुने नगर पुजैया कार्यक्रममा भुईँहार भई एक सातासम्म पुजाआजा गर्ने गर्छन् । यस नगर पुजैया कार्यक्रममा रमेश चन्द्र कुमालमाथि माता कालीको सवारी हुने गर्छ ।


माता शिरमा आउँदा माता कालीका भक्त उनीसँग भाकल मान्छन् र आफ्नो सुख दुःखको कुरा मातासँग सोध्छन् ।

अधिकांश पहेंलो केशरिया वस्त्र धारण गरी बाटोमा हिँड्दा उनीलाई चिन्ने जान्नेहरुले उनीलाई भुईँहारे नै भन्ने गर्छन् ।
यसरी टोलमा रमेश चन्द्र कुमाल नामले कमै तर भुईँहारे नामले अधिकांशहरुले उनीलाई चिन्छन् ।

+ posts
Language »