कार दुर्घटनामा पत्रकारको मृत्यु

बुटवल। कार दुर्घटनामा परी रुपन्देहीका पत्रकार एवं न्यूज २४ का जिल्ला संवाददाता कृष्ण बाबु पाण्डेकाे निधन भएकाे छ ।

सिद्धार्थ राजमार्ग अन्तरगत बुटवल-भैरहवा सडक खण्डको तिलोत्तमा-१, ड्राइभर टोलमा गए राति भएको सवारी दुर्घटनामा पाण्डेकाे ज्यान गएकाे हाे ।

बुटवलबाट मध्यराति पाण्डे घर फर्किरहँदा बा ७ च ६९५९ नम्बरको उनी आफैले चलाएको कार दुर्घटनाग्रस्त भएकाे जनाइएकाे छ ।

दुर्घटनामा गम्भीर घाईते भएका पाण्डेलाई उपचारका लागि बुटवलस्थित चौराहा अस्पतालमा लगिएको र उपचारकै क्रममा मृत्यु भएकाे हाे । कार सडक किरानाको फलामे बारमा ठोक्किएकाे बताइएकाे छ । उनकाे शव अहिले पाेस्टमार्टमका लागि लुम्बिनी प्रादेशिक अस्पतालमा लगिएको इलाका प्रहरी कार्यालय बुटवलले जानकारी दिएको छ । ३० वर्षीय पाण्डे विगत केही वर्षदेखि न्यूज २४ मा कार्यरत थिए ।

न्युज २४ बाट साभार

+ posts

समाज परिवर्तनका लागि कलमकाे एक थाेपा मसी नै काफी छ ।

Language »