जलेश्वर कारागार डुबानमा, कैदीबन्दीको बिजोक

जलेश्वर / ३० असार ।
अविरल वर्षाका कारण जलेश्वर कारागार डुबानमा परेको छ । गत बुधबारदेखिको परेको पानीको कारण कारागार डुबानमा परेको हो।

वर्षाको बेला यो कारागार पटक पटक डुबानमा पर्ने गरेको कामु जेलर मकसुदन महासेठले जानकारी दिनुभयो । करिव १६० वर्षभन्दा पूरानो राणाकालीन कारागार जलेश्वर नगरपालिकाको वडा नम्बर २ मा सबैभन्दा गहिरो स्थानमा अवस्थित छ ।

कारागारको बाहिर मूलगेटदेखि भित्र कैदीबन्दी प्रवेश गर्ने मूल ढोकासम्म पानी भरिएको छ । कारागारभित्र तीन फिटभन्दा बढी पानी भरेर जलमग्न र अस्तव्यस्त भएको छ ।

हाल कारागारमा ४९५ पुरुष, ४६ महिला र चार आश्रित बालबालिका गरी जम्मा ५४५ रहेका छन् ।

बन्दीलाई खाना पकाउन, खान, बस्न, सुत्न, शौचालय जान, नुहाउन र घुमफिर गर्नलगायतका विभिन्न समस्या भएको छ।

+ posts

Leave a Reply

Your email address will not be published.

Language »