तरकारी आपूर्ति घट्दा ५० देखि १५० प्रतिशतसम्म मूल्य वृद्धि

काठमाडौं। लगातारको वर्षाका कारण बाढीपहिरोबाट सडक सम्पर्क टुट्दा कालीमाटी फलफूल तथा तरकारी बजारमा तरकारीको आपूर्ति घटेको छ ।

तरकारीको आपूर्ति घटेपछि यसको मूल्य वृद्धि हुन थालेको छ ।

सामान्य अवस्थामा दैनिक ७/८ सय टन तरकारी आपूर्ति हुने गरेको कालीमाटी तरकारी बजारमा बन्दाबन्दीका समयमा दैनिक आपूर्ति घटेर ४/५ सय टनमा सीमित भएको थियो ।

लगातार वर्षाका कारण देशका धेरै ठाउँमा पहिरोबाढीले गर्दा बाटो अवरुद्ध भएपछि दैनिक तरकारी आपूर्ति अझै कम भई २ सय टनमा झरेको छ ।

समितिका सूचना अधिकृत विनय श्रेष्ठका अनुसार बन्दाबन्दीमा स्कूल, कलेज, होटेल, रेस्टुराँहरू नखुल्दा माग घट्न गई तरकारी आपूर्तिको परिमाण बन्दाबन्दी खुकुलो भए पनि बढ्न सकेको छैन ।

बाटो अवरुद्ध भएकाले तरकारीको आपूर्ति घटेकाले मूल्य अझै बढ्न सक्ने सूचना अधिकृत श्रेष्ठको आकलन छ ।

वर्षात्को समयमा तरकारीको उत्पादन कम हुने भएकाले हरेक वर्ष यो मौसममा तरकारीको मूल्य बढ्ने गरेको छ । कोरोना त्रासका कारण व्यापारीहरूले भारततिरबाट समेत तरकारी नल्याउँदा अहिले तरकारीको मूल्य बढेको विकास समितिले जानकारी दिएको छ ।

+ posts

Leave a Reply

Your email address will not be published.

Language »