दलित बालिकालाई जसले बलात्कार गर्यो उसैको श्रीमती बनाएर पठायो समाजले,अर्को दिन रुखमा लास भेटियो

रुपन्देही। रुकुमसँगै रुपन्देहीमा अर्को जघन्य अपराध घटना घटेको छ । १३ वर्षीया बालिकाको बलात्कार भएको छ । बलात्कार पछि समाजले तिनै युबकसँग विवाह गरेर पठायो र अर्को दिन लास रुखमा झुन्दिएको अवस्थामा भेटियको छ ।

१३ वर्षीया दलित बालिकालाई बलात्कार गरे बापत् २५ वर्षीय युवालाई उसैसँग बिहे गर्ने सजाय सुनाइएको छ। २१औँ शताब्दीमा यस्तो न्याय हाम्रै देशमा, हाम्रै समाजमा सुनाइएको हो। जसले बलात्कार गर्यो, उसैको श्रीमती हुनुपर्ने, त्यो पनि १३ वर्षीया अबोध बालिकाले ।

दलित परिवारको पक्षमा बोलिदिने कोही भएन, त्यसैले समाजको न्याय मानेर बलात्कारी पुरुषको पछिपछि गएकी बालिका त्यही साँझ गाउँको रूखमा झुन्डिएको अवस्थामा भेटिइन्।

घटना हो रुपन्देही देवदहको । शुक्रबार साँझ १३ वर्षीया स्थानीय दलित बालिका अंगिरा पासी घरबाट हराइन् । बुबाको निधन भइसकेको छ । आमाले हारगुहार गरिन् । गाउँले जम्मा भएर खोज्न हिँडे । राति ११ बजे उनी नजिकैको खरबारीमा भेटिइन्, उनको साथमा थिए स्थानीय २५ वर्षीय वीरेन्द्र भर ।

भरले बालिकालाई फकाएर शारीरिक सम्बन्ध राखेको स्थानीय बासिन्दाहरूको भनाइ छ । तर, १३ वर्षीया अबोध बालिकालाई जबर्जस्ती वा फकाएर शारीरिक सम्बन्ध राख्नु कानुनी र मानवीय रूपमा बलात्कार हो, जघन्य अपराध हो ।

+ posts

Leave a Reply

Your email address will not be published.

Language »