नेपालगञ्जको राहत कोषमा रकम जम्मा

नेपालगञ्ज, नेपालगञ्ज उपमहानगरपालिकाले स्थापना गरेको विपद ब्यवस्थापन उद्धार कोषमा राहत संकलन जम्मा हुनेक्रम बढेको छ ।

सोमबार मात्रै राप्ती गणेश कन्स्टक्सनका सञ्चालक ओम नारायण शाहले एकलाख एकहजार रुपिया जम्मा गर्नुभएको छ ।

शाहले नेपालगञ्ज उपमहानगरपालिकाका प्रमुख डा. धवलशम्शेर राणा, उपप्रमुख उमा थापा मगर, प्रमुख प्रशासकीय अधिकृत ओमबहादुर खड्का र लेखा अधिकृत लोकेन्द्र रावतलाई सहयोगको चेक हस्तान्तरण गर्नुभयो ।

कोषमा नेपालगञ्ज उपमहानगरपालिकाले ३० लाख रुपिया जम्मा गर्ने निर्णय गरिसकेको छ । कोषबाट कोरोना भाईरस भित्रिन नदिन पुर्व तयारी, क्वारेन्टाईन लगायत आवश्यक मेडिकल सामाग्रीको उपलब्धतासँगै समितिको निर्णयका आधारमा खर्च गरिनेछ ।

विपन्न समुदायका ब्यक्तिलाई सहयोग पनि गरिनेछ । नेपालगञ्ज उपमहानगरपालिकाका उपप्रमुख उमा थापा मगरले कोषमा रकम सहयोगका लागि उद्योग ब्यवसायी, सहकारी, संघ संस्था लगायत सहयोगदातामा अनुरोध गरिएको जानकारी दिनुभयो ।

+ posts
Language »