नेपालगञ्जमा सशस्त्र प्रहरीले अवैध मोबाइलसहित सुर्तीजन्य सामाग्री बरामद


नेपालगञ्ज, सशस्त्र प्रहरीले अवैध रुपमा भित्रिएको मोबाइलसहित सुर्तीजन्य सामाग्री बरामद गरेको छ ।
सशस्त्र प्रहरीको नेपालगन्ज जयसपुर बिओपीले भारतबाट भित्राइदै गरेको अवस्थामा लाखौ मूल्य बराबरको अवैध सामाग्री बरामद गरिएको हो ।


मंगलबार राती १२ बजेको समयमा नेपालगन्ज उप–महानगरपालिका वडा नम्बर १६ बाट जयसपुर बिओपीका प्रमुख सशस्त्र प्रहरी निरीक्षक नर बहादुर सुनुवार राईको नेतृत्वमा खटिएको टोलीले सामग्री बरामद गरेको हो ।


बरामद गरिएका सामग्रीमा १० थान मोबाइल सेट, ३२ थान मोबाईलको चार्जर,७ थान सानो वुफर, घडी १ थान, डाटा केबल ठुलो ७ थान र डाटा केबल सानो ९ थान रहेको सशस्त्र प्रहरी बल नेपाल नम्बर ३० गण बागेश्वरी बाँकेले जनाएको छ । यस्तै टोलीले सुर्तीजन्य सामाग्रीमा सुपरपावर सुर्ती २९५ पोका र बिडी १९० बन्डल बरामद गरेको छ ।


बरामद गरिएका सबै अवैध सामग्रीको मूल्य १ लाख १३० रुपैयाँ रहेको सशस्त्र प्रहरी बल नेपाल नम्बर ३० गण बागेश्वरी बाँकेले जनाएको छ ।

रामद गरिएका विद्युतीय सामाग्री लगायत सुर्तीजन्य सामाग्रीलाई बुधबार नेपालगन्ज भन्सार कार्यालयमा बुझाइएको सशस्त्र प्रहरी बल नेपाल नम्बर ३० गण बागेश्वरी बाँकेले जनाएको छ ।
सशस्त्र प्रहरीले पछिल्लो समय दैनिक जसो भन्सार छलेको सामग्री बरामद गर्दै आएको छ ।

+ posts
Language »