नेपालगन्जमा खान एण्ड कम्पनी नेपालगन्जका प्रोप्राइटर तथा अडिटर खानलगायतद्धारा सय विपन्न परिवारलाई खाद्यान्न वितरण

नेपालगन्ज, मुस्लिम समुदायको महान पर्व ईदुल फित्रको आगमन नजिकिएको बेला नेपालगन्जका केही मुस्लिम अगुवाहरुले विपन्न र असहायहरुलाई खाद्यान्न राहात वितरण शुरु गर्नु भएको छ ।
पर्व मनाउन सहज होस भन्ने उदेश्ययका साथ नेपालगन्जका सय परिवारलाईृ खान एण्ड कम्पनी नेपालगन्जका प्रोप्राइटर तथा अडिटर अव्दुल करीम खानको अगुवाईमा खाद्यान्न वितरण शुरु गरिएको मुस्लिम धर्मगुरु र अगुवा मौलाना जियाउल मुस्तफा नुरानीले बताउनु भयो ।


सो खाद्यान्न राहात अतिनै विपन्नलाई खोजी खोजी वितरण गर्ने कार्य भैरहेको खान एण्ड कम्पनी नेपालगन्जका प्रोप्राइटर तथा अडिटर खानले बताउनु भयो ।


उहाँले लकडाउन दिनदिनै लम्बिंदै गएको र समाजका गरिब तथा विपन्नका लागि कुनै व्यवस्था नगरिएको पाईएको हुँदा आफुहरुले आफ्नो व्यक्तिगत तर्फबाट सो खाद्यान्न वितरण गरिएको बताउनु भयो ।

सो राहात वितरण कार्यमा नेपाल स्टोर धम्बोझी नेपालगन्जका जाकीर हुसैन हलवाई, व्यवयसायी समाजसेवी मिस्बाहुल हक अन्सारी र शरिफ हुसैन करेशीको समेत सहयोग रहेको अडिटर खानले बताउनु भयो ।

अडिटर खानले आगामी दिनमा पनि आफूहरुले यस्ता राहातहरु वितरण गगदैृ जाने बताउनु भएको छ । वहाँहरुले वितरण गर्नु भएको राहात सामाग्रीमा चामल, दाल, चिनी, खाने तेल र नुन लगायत रहेको छ ।
यसअघि पनि दुई पटक उहाँहरुले नेपालगन्जका तीन सय बढी विपन्न परिवारलाई राहात वितरण गर्नु भएको थियो ।

यसैगरि नेपालगन्जमा धेरै अगुवा र समाजसेवीहरुले आफ्नो निजि तर्फबाट धेरैलाई निरन्तर राहात वितरण गर्दै आउनु भएको छ ।

+ posts
Language »