पुर्व शहरी विकास मन्त्री मोहम्मद इश्तियाक राईद्धारा सयौंलाई राहात वितरण, सहयोग सधैँ जारी रहने जानकारी

नेपालगन्ज, पुर्व शहरी विकास मन्त्री तथा बाँके क्षेत्र नम्बर २ का संघिय सांसद मोहम्मद इश्तियाक राईले लकडाउनका कारण दैनिक ज्याला मजदुरी गरेर खानेहरु र रोजगार बन्द भएर घरमै बसेकाहरुले भोकभोकै अवस्थामा बस्नु नपरोस भन्ने उदेश्यले आफ्नो निजि तर्फबाट राहात वितरण गरिरहनु भएको छ ।


उहाँले सो कुराको जानकारी आफ्नो फेसबुक पेजमार्फत मंगलवार गराउँदै राहात वितरण एक दुई दिनको कार्य नभई आवश्यकता अनुसार यो कार्य सधैं जारी रहने बताउनु भएको छ ।


लकडाउनका कारण यस्तो अवस्था आउन सक्ने संकेत गर्दै पुर्व शहरी विकास मन्त्री राईले चैत १४ गते नै एक विज्ञप्ती प्रकाशित गरेर आफ्ना पार्टीका नेता कार्यकर्ताहरुलाई त्यस्ता अति विपन्न र खाद्यान्न समस्या भएकाहरुको लगत संकलन गर्न निर्देशन दिनुभएको थियो ।


सोही निर्देशन बमोजिम संकलन गरिएका नाम तथा अन्य आवश्यक परेका सबैलाई निरन्तर राहात वितरण गरिरहेको उहाँले मंगलवार जनाउनु भयो ।

पार्टीका नेता कार्यकर्ता तथा अन्य शुभचिन्तकहरुले ज्याननै जोखिममा राखेर गरिब विपन्न तथा असहायहरुको लगत संकलन गरेर राहात पुरयाउँदै आउनु भएकोमा उहाँहरुलाई ह्रदयदेखि धन्यवाद पनि दिनु भएको छ ।

जिल्लाका विभिन्न नेता कार्यकर्ताहरुले पनि आफ्नो व्यक्तिगततर्फबाट पनि राहात वितरण गरेको र नपुगेको आफूबाट लिएर गै वितरण गरिरहेको उहाँले जनाउनु भएको छ ।


हालसम्म उहाँले सयौं जनालाई राहात वितरण गरि सक्नु भएको छ । तर राहात दिंदा कसैको पनि तस्विर लिन र भिडियो बनाउन नपाइने उहाँले कडा निर्देशन जारी गर्नु भएको छ ।


उहाँले अगाडी भन्नु भएको छ, लकडाउन शुर भएदेखी नै हाम्रो व्यक्तिगत सहयोग निरन्तर जारी छ र यो कुनै एक दुई दिनको कार्यक्रम होइन । यो आवश्यकता अनुसार सधैं जारी रहनेछ र राहत पाउने व्यक्तिको फोटो खिच्न सख्त मनाही गरिएको छ ।


यसअघि उहाँले नेपालगन्जमा सयौं मास्क वितरण गर्नुका साथै नगरभरिलाई सेनेटाइज समेत गर्नु भएको थियो भने विभिन्न अस्पताल र सुरक्षा निकायलाई सेनेटाइज गर्ने हाते मेसिन पनि उपलब्ध गराउनु भएको थियो ।


सोही प्रकारले पुर्व शहरी विकास मन्त्री राईले चिकित्सकहरुको सुझाव र माग बमोजिम अस्पतालहरुलाई पीपीई र एरोसोल बक्स तथा एम्बुलेन्स चालकहरुलाई पीपीई सेट वितरण गर्नु भएको थियो ।

+ posts
Language »