फिलिपिन्सको राजधानी मनिला नजिकै ज्वालामुखी बिस्फोट, हजारौं मानिसहरु सुरक्षित स्थानतर्फ

एजेन्सी, आइतबार फिलिपिन्सको राजधानी मनिला नजिकै एउटा ज्वालामुखी बिस्फोट भएको थियो । उक्त ज्वालामुखीबाट सोमबार रातो तातो लाभा उछिट्टिन थालेको अन्तर्राष्ट्रिय सञ्चार माध्यमहरुले जनाएका छन् । हिंसात्मक विस्फोटको डरले ज्वालामुखी निकटवर्ती समुदायका हजारौं मानिसहरु सुरक्षित स्थान तर्फ गैसकेका छन् भने राजधानी मनिलाको अन्तर्राष्ट्रिय एयरपोर्टले आफ्ना सम्पुर्ण सेवाहरु बन्द गरिसकेको जनाएको छ ।

हालसम्म कुनै ठूलो क्षति वा हताहतको कुनै रिपोर्ट नभए पनि अर्को  खतरनाक बिस्फोट हुने आशंका जताउँदै विशेषज्ञले उक्त स्थान वरिपरिका बासिन्दालाई सुरक्षित स्थानमा जान भनिसकेको छ ।

राजधानी मनिलाको  ६० किलोमिटर दक्षिणतर्फ रहेको लुजन द्वीपमा अवस्थित ताल ज्वालामुखी स्थानीय समयानुसार आइतबार अपरान्ह बिस्फोट भएको हो ।

सिएनएन फिलिपिन्सका अनुसार अधिकारीले तीनवटा शहर खाली गर्न निर्देशन दिएका छन् ।

फिलिपिन्स इन्स्टिच्युट अफ भोल्क्यानोलोजी र सिस्मोलोजीले  ज्वालामुखीका लाभा क्रेटरभन्दा १० देखि १४ किलोमिटर माथि निस्किएका छन् ।

एजेन्सीले केही घण्टा वा दिनमभित्र खतरनाक बिस्फोट हुने अनुमान पनि गरेको छ ।

सरकारी समाचार एजेन्सीले हल्का भूकम्प पनि मापन गरिएको जानकारी दिएको छ ।

+ posts
Language »