भारतमा मे १७ सम्म लकडाउन लम्ब्याउने निर्णय

काठमाडौं। भारत सरकारले लकडाउन मे १७ सम्म लम्ब्याएको छ। भारतले कोरोना भाइरस (कोभिड–१९) नियन्त्रणको लागि लगाएको लकडाउन मे १७ सम्म लम्ब्याउने निर्णय गरेको छ । शुक्रबार भारतको गृहमन्त्रालयले दुई साताको लागि लकडाउन बढाइएको बताएको हो ।

भारतीय प्रधानमन्त्री नरेन्द्र मोदीले मार्च २४ तारिखका दिन लकडाउन मे ३ सम्मका लागि लकडाउन घोषणा गरेका थिए । योसँगै भारतमा मे १७सम्म लकडाउने हुने भएको छ । त्यहाको गृह मन्त्रालयले कोभिड विरुद्ध निर्देशिका जारी गर्दै लकडाउन उल्लंघन नगर्न सबै नागरिकलाई सूचित गरेको छ ।

लकडाउन लम्बाइएपनि पहिले जस्तो कडा नहुने गृह मन्त्रालयले जनाएको छ । कोरोना संक्रमण देखिएको ठाउँमा कडा हुने अन्य क्षेत्रहरुमा लकडाउन केही खुकुलो हुने भारतको गृह मन्त्रालयद्वारा जारी विज्ञप्तिमा उल्लेख छ ।

लकडाउन कडा बनाउने या खुकुलो बनाउने भन्‍ने विषयमा सम्बन्धित जिल्लाहरुमा देखिएको कोरोना संक्रमितका बिरामीहरुको आधारमा गरिने भारत सरकारले जनाएको छ ।मन्त्रालयका अनुसार यसपटक बढाइएको लकडाउनको अवधिमा मुलुकको ‘रेड जोन’मा रहेका एक सय ३० जिल्लामा कुनै छुट दिइने छैन ।

भारतले कोरोना जोखिमलाई हेरेर जिल्लाहरुलाई हरियो,रातो र सुन्तला रंगमा वर्गीकरण गरेको छ । कोरोना संक्रमित नभेटिएका,२१ दिनयता कसैमा पनि संक्रमण नदेखिएको जिल्लालाई हरियोमा वर्गीकरण गरेको छ । यस्तै,संक्रमितहरु देखिएको जिल्लालाई रातोमा वर्गीकरण गरिएको छ । यस्तै हरियो वा रातोमा वर्गीकरण नगरिएका जिल्लालाई सुन्तला रंगमा वर्गीकरण गरिएको छ ।

‘सुन्तला’ र ‘हरियो’ रहेका जिल्लाहरुलाई भने केही छुट दिइनेछ । दिल्ली, मुम्बई, पुने, अहमदावाद, हैदरावाद, लखनऊ, इन्दोर र जयपुरजस्ता क्षेत्र ‘रातो ’रंगमा परेका छन् । साथै उत्तर प्रदेशको १९ जिल्लालाई पनि ‘ रातो’ रंग घोषणा गरिएको छ ।

भारतको गृह मन्त्रालयले जिल्लाको वर्गीकरण हरेक हप्ता गरिरहेको जनाएको छ । यसैको आधारमा लकडाउन खुकुलो,प्रभावकारी बनाउने विषयमा गृह मन्त्रालयले निर्धारण गर्ने बताइएको छ ।

भारतको केन्द्रीय स्वास्थ्य मन्त्रालयका अनुसार त्यहाँ ३५ हजार भन्दा बढीमा नोवल कोरोना भाइरस संक्रमण देखिएको छ । उनीहरू मध्ये ९ हजार जना निको भइसकेका छन् भने एक हजार १५२ जनाको ज्यान गएको छ ।

+ posts

Leave a Reply

Your email address will not be published.

Language »