मन्त्रिपरिषद् बैठक पछिआज राष्ट्रको नाममा सम्बोधन गर्दै प्रधानमन्त्री ओली

काठमाडौं। सोमबार (आज) साँझ प्रधानमन्त्री केपी शर्मा ओलीले राष्ट्रका नाममा सम्बोधन गर्नुहुने भएको छ । साँझ ५ः३० बजे प्रधानमन्त्री ओलीले राष्ट्रका नाममा सम्बोधन गर्नुहुने जानकारी गराइएको छ ।

प्रधानमन्त्रीका प्रेस सल्लाहकार सूर्य थापाका अनुसार ओलीले सोमबार साँझ ५ : ३० बजे राष्ट्रको नाममा सम्बोधन गर्न लाग्नुभएको हो। ‘५:३० बजे प्रधानमन्त्रीले राष्ट्रका नाममा सम्बोधन गर्नुहुनेछ’ थापाले भन्नु भयो ‘त्यसअघि साँझ ५ बजे मन्त्रिपरिषद् बैठक बस्दैछ।’ नेपाल टेलिभिजनले प्रधानमन्त्री ओलीको सम्बोधनलाई प्रत्यक्ष प्रसारण गर्ने जानकारी गराइएको छ ।

भारतले अतिक्रमित गरेको लिम्पियाधुरा, कालापानी र लिपुलेक सिमेटिएर नेपालले नयाँ नक्सा जारी गरेपछि उत्पन्न राजनीतिक तरंगबीच ओलीले गर्ने सम्बोधनलाई अर्थपूर्ण रुपमा लिइएको छ। ओलीले नयाँ नक्साको कार्यन्वयन र अतिक्रमित भूमी प्राप्तिका लागि आवश्यक राजनीतिक वार्ता र कुटनीतिक पहलमा जोड दिँदै नेपाल-भारतबीचको सम्बन्धका बारेमा महत्वपूर्ण अभिव्यक्ति दिने बुझिएको छ।

विश्वभर फैलिएको कोरोना भाइरस (कोभिड-१९) लाई सामना गर्न अपनाउनुपर्ने रणनीति, राहत र सावधानीबारे प्रधानमन्त्री ओलीले सम्बोधन गर्नुहुने बताइएको छ।

यसअघि २०७६ चैत ७ गते पनि प्रधानमन्त्री ओलीले राष्ट्रको नाममा सम्बोधन गरेका थिए। आजको मन्त्रिपरिषदको बैठकमा कोरोना महामारीका कारण विदेशमा अलपत्र रहेका नेपाली नागरिकहरु ल्याउने विषयमा छलफल हुने जनाइएको छ

+ posts

Leave a Reply

Your email address will not be published.

Language »