युनेस्कोद्धारा अभियानकर्तालाई मानव बेचविखन विरुद्धको तालिम शुरु

नेपालगञ्ज, बाँके युनेस्को क्लबले समुदायका अभियानकर्ताहरुका लागि नेपालगञ्जमा मानवबेचविखन विरुद्धको तीन दिने भर्चुअल तालिम शुरु गरेको छ ।


प्लान इन्टरनेसनल नेपालको आर्थिक सहयोगमा बाँके युनेस्को क्लबले सञ्चालन गरेको मानवबेचविखन विरुद्धको परियोजना अन्र्तगत सो तालिमको आयोजना गरिएको हो ।


सो तालिममा सहभागि हुनु भएका अभियानकर्ताहरुले मानवबेचविखन विरुद्ध तालिममा सिकेका कुराहरुलाई सुमदायमा गएर जानकारी गराई महिला तथा बालबालिकालाई बेचविखनबाट जोगाउन सचेतना अभियान चलाउने बाँके युनेस्को क्लबका संरक्षक प्रवेज अली सिद्दिकीले बताउनुभयो ।


तीन दिनसम्म सञ्चालन हुने सो भर्चुअल तालिममा प्लान इन्टरनेसनल नेपालका सामाजिक व्यवहार परिवर्तन सञ्चार विशेषज्ञ अनिश राज श्रेष्ठले सहजीकरण गरिरहनु भएको छ ।

No description available.


तालिममा नेपालगञ्ज उपमहानगरपालिका, कोहलपुर नगरपालिका, खजुरा र बैजनाथ गाउँपालिकाबाट ५–५ जना गरेर २० जना अभियानकर्ताको सहभागिता रहेको बाँके युनेस्को क्लबका अध्यक्ष राजेन्द्र चौधरीले बताउनुभयो ।


सो तालिममा मानवबेचविखन विरुद्धको परियोजनाका कार्यक्रम अधिकृत फिरोज हसन, फिल्ड सुपर भाइजर शंकर सिंह थारु, आशा गुरुंग तथा सामाजिक व्यवहार परिवर्तन सञ्चार सहजकर्ता रन्जना विकको पनि सहभागिता रहेको क्लबले जनाएको छ ।


मानवबेचविखन विरुद्धको परियोजना अन्र्तगत क्लबले बाँकेका विभिन्न पालिकाहरुमा विभिन्न प्रकारका सचेतनामुलक कार्यक्रमहरु गर्दै आएको छ ।

+ posts
Language »