युनेस्कोद्धारा युवा अभियन्तालाई बाल संरक्षण तालिम प्रदान

नेपालगञ्ज, बाँके युनेस्को क्लबले बाल संरक्षण गर्ने उदेश्यले युवा अभियन्ताहरुका लागि नेपालगञ्जमा बाल संरक्षण सम्बन्धि तालिमको आयोजना गरेको छ ।

प्लान इन्टरनेशनल नेपालको आर्थिक सहयोगमा क्लबद्धारा बाँकेमा सञ्चालन गरिएको बाल संरक्षण परियोजना अन्तर्गत जिल्लाको नेपालगञ्ज उपमहानगर, कोहलपुर नगरपालिका र बैजनाथ गाउँपालिकाका २० जना युवा अभियन्ताका लागि सो तालिमको आयोजना गरेको हो ।

बाल संरक्षण अभियानलाई सफल बनाउनका लागि सहयोग गरिरहेका युवा अभियन्तालाई सो सम्बन्धि तालिम दिएर अभियानलाई झन प्रभावकारी बनाउने लक्ष्य रहेको क्लबका संरक्षक प्रवेज अलि सिद्दिकीले बताउनुभयो ।

उहाँले सोही उदेश्यले बाल अधिकारदेखि लिएर बालबालिकामाथि हुने विभिन्न प्रकारका शोषण र दुव्र्यवहारका बारेमा अभियन्ताहरुलाई तालिम मार्फत जानकारी दिईरहेको बताउनुभयो ।

सो तालिमका प्रशिक्षक आशिष बर्माले तालिममा बालअधिकारको दृष्टिकोण, मानवबेचविखन तथा ओसारपसारको जोखिम, बालबालिकामाथि हुने दुव्र्यवहार र जोखिम तथा युवा अभियानकर्मीले खेल्नु पर्ने भूमिकाका बारेमा विस्तृत रुपमा जानकारी गराइने बताउनुभयो ।

उहाँले यो तालिमबाट बाल संरक्षण अभियानमा ठुलो टेवा पुग्ने समेत जानकारी गराउनुभयो ।

+ posts
Language »