लागु औषध नियन्त्रणमा बाँकेका एसपी वीर बहादुर वलीलाई ठुलो सफलता


नेपालगन्ज, लागु औषध नियन्त्रणका लागि जिल्ला प्रहरी कार्यालय बाँकेले ठुलो सफलता प्राप्त गरेको छ ।

नेपालगञ्जको जमूनाह नाकाबाट दैनिकजसो लागु औषधसहित ब्यक्तिहरु पक्राउ पर्न थालेका छन् ।

प्रहरीले पछिल्लो समय सीमानाकामा लागु औषधका कारोबारी र प्रयोगकर्ता नियन्त्रणका लागि चेकजाँचलाई कडाई गरिएको जनाएको छ ।

बरामद गरिएका ठुलो परिमाणका लागु औषध सहित संलग्न ब्यक्तिलाई जिल्ला प्रहरी कार्यालय बाँकेमा पत्रकार सम्मेलन गरि सार्वजनिक गरिएको छ ।

शनिबार जमूनाह नाकामा ईलाका प्रहरी कार्यालय जमूनाह र लागु औषध नियन्त्रण ब्यूरो नेपालगञ्जको टोलीले भारतको बहराईचका २५ वर्षिय अव्दुल रसिदलाई दुईसय ग्राम खैरो हेरोईन सहित पक्राउ गरेको छ ।

रसिदले चलाएको अनटेष्ट कालो रंगको अपाची मोटरसाईकल रोकेर चेकजाँच गर्दा हेलमेटभित्र चारवटा प्लाष्टिकका पोकामा राखेको लागु औषध बरामद भएको जिल्ला प्रहरी कार्यालय बाँकेका एसपी वीरबहादुर वलीले जानकारी दिनुभयो ।


यसैगरी शनिवार साझ नै जमूनाह नाकामा कैलालीको टिकापुर नगरपालिका १ का विष्णु पुरी र शिवराज पुरीलाई १८ ग्राम शंकाष्पद वस्तु सहित पक्राउ गरिएको छ ।

भे ९ प ६५२९ नम्बरको स्कुटरको मेडगार्डभित्र लुकाई राखेको अवस्थामा खैरो हेराईन जस्तो देखिने धुलो बरामद गरिएको प्रहरीले जनाएको छ ।

उनीहरु दिदीभाई हुन् । जमूनाह नाकाबाट आईतबार २९५ एम्पुल लागु औषध सहित नेपालगञ्ज २ का नगेन्द्र राना पक्राउ परेका छन् ।

+ posts
Language »