नेपालगन्ज,कोरोना भाइरस भित्रिन नदिन देशका सबै ठाउँजस्तै नेपालगन्जमा पनि लकडाउन जारी रहेको बेला समाजवादी पार्टी बाँकेका अध्यक्ष कमरुद्दिन राईको दिनचर्या भने अरुभन्दा अलि फरक छ ।
गत केही दिन यता उहाँले विहान देखि बेलुकी अबेरसम्म नेपालगन्ज र सो वरिपरिका विपन्न, गरिब र असहायहरुको घरघरमा पुगेर आफैले खाद्यान्न पुरयाउने काम गरिरहनु भएको छ ।
पुर्व शहरी-विकास मन्त्री तथा बाँके क्षेत्र नम्बर २ का संघिय सांसद मोहम्मद ईश्तियाक राईद्धारा प्रदान गरिएको खाद्यान्नका पोकाहरुलाई आफ्नो निजि गाडीमा राखेर उहाँले विहानदेखि बेलुकीसम्म गरिब र विपन्नका घरघरमा पुरयाउँदै आउनु भएको छ ।
नेपालगन्ज उपमहानगरपालिकाका विभिन्न वडाहरुमा वडा कार्यालयहरुद्धारा राहात वितरण गरिएपनि भाडामा बस्ने, नेपालगन्ज बाहिरका मानिस र अन्य अधिकांशले पनि राहात नपाएकोले पुर्व शहरी-विकास मन्त्री राईले उपलबध गराएको खाद्यान्नलाई आवश्यकता परेकाहरुको घरघरमा पुरयाउने काम गरिरहेको जिल्ला अध्यक्ष कमरुद्दीन राईलले बताउनु भयो ।
उहाँले दिनभरी चारैतिरबाट खाद्यान्न अभाव भएको फोनहरु आउने गरेको जनाउँदै उनिहरुको नाम ठेगाना नोट गरेर घरघरमै पुगेर खाद्यान्न दिंदै आएको बताउनु भयो ।
करिब दुई सातादेखि दैनिक डेढसय देखि दुईसय परिवारलाई खद्यान्न वितरण गर्दै आएको अध्यक्ष राईले बताउनु भयो ।
सांसद तथा पुर्व शहरी-विकास मन्त्री राईलाई पनि दिनभरि चारैतिरबाट खाद्यान्न सहयोगका लागि फोनहरु आउने गरेकोले ती सबै आवश्यक परेकाहरुलाई पनि घरघरमा पुरयाउने काम आफ्नो टोलीले नै गरिरहेको उहाँको भनाई छ ।
पुर्व शहरी-विकास मन्त्री राईको अपील अनुसार समाजवादी पार्टीका स्थानीय नेता कार्यकर्ता तथा अन्य शुभचिन्तकहरुले आआफ्नो टोलमा रहेका अति विपन्नहरुको लिस्ट तयार पारेर जानकारी गराईरहेको र उनिहरुलाई राहात पुरयाउने कामममा जिल्ला अध्यक्षा राईको नेतृत्वमा एउटा टोलीनै परिचालन गरिएको जनाईएको छ ।
समाजवादी पार्टी बाँकेका अध्यक्ष राईले यस्तो संकटको घडीमा आफ्नो ज्याननै जोखिममा राखेर जनताको घरघरमा गई खाद्यान्न पुरयाउने काम एकातिर गरिरहनु भएको छ भने अर्कोतिर कोरोना विरुद्धको अभियानमा प्रत्यक्ष खटिएका प्रहरी, स्वास्थ्यकर्मी र अन्यलाई माश्क, औषधि छर्ने मेशिन, रासन, टार्च आदि पनि पुरयाउने काम गरिरहनु भएको छ ।
पुर्व शहरी-विकास मन्त्री राईले खाद्यान्न अभाव भएका हरेकलाई खाद्यान्न वितरण गर्ने कार्य भेरहेको जनाउँदै आवश्यक परेकाले समाजवादी पार्टीका अध्यक्ष राईसंग सम्पर्क गर्न समेत आगह गर्नु भएको छ ।
बाँके क्षेत्र नम्बर २ का सांसद तथा पुर्व शहरी-विकास मन्त्री राईले हालसम्म नेपालगन्ज र सो वरिपरिका विपन्न, गरिक, असहाय र भाडामा बस्ने तथा अन्य गरेर सयौं जनालाई खाद्यान्न वितरण गरिसक्नु भएको छ ।
