सहकर्मी कडायतको शोकमा समावेशी प्यानलका उम्मेदवार घरदैलो रोकेर मलामी पुगे

नेपालगञ्ज ,नेपालगन्ज घरवारीटोलस्थित कमल टे«र्डसका सन्चालक युवा व्यवसायी भरत कडायतको निधनले बाँकेका उद्योगी, व्यवसायीलाई स्तब्ध बनाएको छ ।

सक्रिय व्यवसायी कडायतको सोमवार निधन भएको थियो । उनको मंगलवार बर्दियामा अन्त्येष्टि गरिएको छ ।

कडायतको निधनले शोकमा रहेका समावेशी प्यानलका उम्मेदवारले नेपालगञ्ज उद्योग वाणिज्य संघको माघ ११ गते हुने निर्वाचनका लागि मंगलवार प्रचार, प्रसार र घरदैलो अभियान रोके ।

अध्यक्ष पदका उम्मेदवार अब्दुल वाहिद मन्सुरी चुन्ना लगायत सम्पूर्ण उम्मेदवार बर्दियामा मलामीमा पुगे ।

अध्यक्ष पदका उम्मेदवार अन्सारीले कडायतको निधन अकल्पनीय भएको बताउनुभयो ।

उहाँको निधनले बाँकेको निजी क्षेत्रले सफल र युवा व्यवसायी गुमाएको चुन्नाले प्रतिक्रिया दिनुभयो ।

+ posts
Language »