सांसद हमालद्धारा क्वारेन्टाइन निरिक्षण, अझैं सुधार गर्नु पर्ने आवश्यक्ता


नेपालगञ्ज, कोरोना संक्रमीतको संख्या बढेर थप आइसोलेशनको आवश्यक्ता भइरहेका बेला बाँकेमा सञ्चालित क्वारेन्टाइन अझैं व्यवस्थित हुन नसकेको पाइएको छ ।

स्थानीय तहले अधिकांस विद्यालयमा नै क्वारेन्टाइन बनाइएपनि सञ्चालनको उचीत व्यवस्थापन गर्न नसक्दा त्यहींभित्रैबाट संक्रमण फैलीने र थप जोखीम निम्तीने सम्भावना रहेको पाइएको छ ।

प्रदेश न ५ प्रदेश सभा प्रमुख सचेतक सुरेन्द्र हमाल नेतृत्वको टोलीले शनीबार नेपालगञ्ज, खजुरा र बैजनाथस्थित क्वारेन्टाइन र आइसोलेशनमा गरेको स्थलगत अवलोकनमा सो अवस्था देखीएको हो ।

महेन्द्र बहुमुखी क्याम्पस, लायन्स डेण्टलको आइसोलेशन, खजुराको सीमलघारी, वैजनाथको वरगदही, हसनापुर र ओरीलालपुरको क्वारेन्टाइनको अवलोकन गरिनुका साथै व्यवस्थापक, जनप्रतिनीधी तथा त्यहाँ आश्रीतहरुको समस्या सुनीएको थियो ।


क्वारेन्टाइन सरकारले जारी गरेको मापदण्ड अनुसार नहुनुका साथै क्षमताभन्दा बढि राखिएका कारण व्यवस्थापन पनि अनेकन समस्याहरु देखीएका छन् । केही क्वारेन्टाइनमा उचित शौचालय, खानेपानी लगायतको समस्या देखीएको छ ।

क्वारेन्टाइनमा रहेका व्यक्तिको स्वाब परीक्षण र रिपोर्ट आउनमा ढिलाइ भइरहेको गुनासो पनि छ ।
अवलोकन गरिएका मध्ये सीमलघारी क्वारेन्टाइनको अवस्था भने नाजुक रहेको पाइएको छ । ८२ जना रहेको सीमलघारीमा खाजा बाहेक खाना स्वयं ल्याउनु पर्ने भएपछि थप समस्या झेल्नु परिरहेको आश्रीतहरुको गुनासो छ । कतीपयले १४ दिन पुगीसकेपछि पनि रिपोर्ट नआएको भन्दै पीसीआर जाँचको माग पनि गरेका छन् ।

महेन्द्र बहुमुखी क्याम्पसमा चार सय ८६ जना, आइसोलेशनमा ११ जना रहेकोमा नेपालगञ्ज उपमहानगरपालिकाले व्यवस्थापन गरिरहेको छ । वैजनाथमा सञ्चालित क्वारेन्टाइन भने व्यवस्थित रहेको पाइयो । अवलोकन टोलीमा सांसद हमालसँगै अधिवक्ता,अधिकारकर्मी प्रहलाद बहादुर कार्की, सञ्चारकर्मी एवं सम्वादकर्ता शुक्रऋषि चौलागाई, सूचना अभियन्ता विश्वजित तिवारी रहनु भएको थियो ।

अवलोकन पश्चात हमालले क्वारेन्टाइन सञ्चालन र व्यवस्थापनमा ध्यान दिन आवश्यक रहेको बताउनु भयो । थप क्वारेन्टाइनको अवस्था अवलोकन गरेर सरकारको ध्यानाकषर्ण गराउने पनि हमालले प्रतिवद्धता पनि व्यक्त गर्नु भयो ।

क्वारेन्टाइन व्यवस्थापन बारेको सवालमा भेरी अस्पतालका प्रमुख कन्सल्टेन्ट फिजिसियन डा राजन पाण्डेले संक्रमीतको संख्या बढदै गएकाले अब आइसोलेशन निर्माणमा जुटनु पर्नेमा जोड दिनु भयो ।

+ posts
Language »