सिङ्ग मोक्तानको शब्द रचनामा “मायाला जोङ”, म्युजिक भिडियो सार्वजनिक

संचारकर्मी सिङ्ग मोक्तानको शब्दमा तामाङ प्रेम गीत “मायाला जोङ” को म्युजिक भिडियो सार्वजनिक भएको छ । कुलेश्वरमा एक कार्यक्रम गरेर निर्माण पक्षले उक्त गीत भिडियोसहित सार्वजनिक गरेका हुन् । यस गीतमा विशाल काल्तन र जितु लोप्चनले स्वर भरेका हुन् भने संगीत पनि गायक विशाल काल्तन स्वयंकै रहेको छ ।

माया प्रेमको छुट्टै आदर्श राज्यको परिकल्पना गरिएको यस गीतमा मायामा रुने चलनको अन्त्य हुनुपर्छ भन्ने प्रेमिल अभियान पाइन्छ ।

यस गीतको भिडियो निर्देशन भने अनिश तामाङले गरेका हुन् ।
हिरा लामा जिकज्याकको प्रस्तुति रहेको यस गीतमा उनले डेब्यु अभिनय गरेका छन् भने उनलाई जोडीको रुपमा कुसुम मगरले साथ दिएकी छिन् ।

पछिल्लो समय सामाजिक सञ्जालमा लोकप्रिय तीनधारे झरना, धुलिखेल लगायतका स्थानहरुमा भिडियो छायांकन गरेका हुन् । सो गीतको म्युजिक भिडियो जिग्मे मिडियाको युट्युब च्यानलबाट सार्वजनिक गरिएको छ ।

भिडियो हेर्नुहोस् ;

प्रोमो भिडियो ;

+ posts
Language »