हवाई उडान जेठ मसान्तसम्म बन्द,सीमानाका पनि जेठ मसान्तसम्म नखुल्ने

Spread the love

काठमाडौँ। सरकारले कोरोना भाइरस (कोभिड–१९) को संक्रमणका कारण बन्द गरेको हवाई उडान आउँदो जेठ मसान्तसम्मका लागि लम्ब्याएको छ।
यस्तै सीमानाका पनि जेठ मसान्तसम्म नखोलिने भएको छ ।

बुधबार बसेको कोभिड १९ रोकथाम तथा नियन्त्रण उच्चस्तरीय समितिको बैठकले हवाई उडानमाथिको प्रतिबन्ध र सीमानाका बन्द गर्न कार्यलाई अझ लम्ब्याउने निष्कर्ष निकालेको हो ।

समितिको यो निर्णय पछि घरेलु तथा अन्तर्राष्ट्रिय उडानमा लगाइएको रोक जेठ मसान्तसम्म कायम रहने छ भने सीमानाकाहरु पनि मसान्तसम्म खोलिने छैनन् । लकडाउन लम्ब्याएर जेठ २० सम्म पु¥याएको सरकारले हवाई उडान र सीमानाका सम्बन्धी निर्णय भने बुधबार मात्र लिएको हो ।

विदेशबाट आउन चाहने नेपालीहरुका लागि चाँडै हवाई उडान खोलिन अपेक्षा गरिए पनि यो निर्णय पछि स्वदेश फर्कन चाहने नेपालीका चाहना तत्काल पूरा नहुने अवस्था देखिएको छ ।

त्यसैगरी भारतसंगको सीमा पारि रहेका नेपालीहरुले पनि जेठ अघि आउन पाउने सम्भावना टालिएको छ ।सरकारले लकडाउनको अवधि जेठ २० सम्म लम्ब्याउने निर्णय यसअघि नै गरिसकेको छ । पटक–पटक समय थप्दै उडान बन्दको अवधि पनि बढाइएको हो ।

+ posts

Spread the love

Leave a Reply

Your email address will not be published.

Language »
%d bloggers like this: