२६ जना कोरोना संक्रमितहरुमा २० जना उपचार पछि ‘डिस्चार्ज’

काठमाडाैँ। काभ्रे जिल्लाका २६ जना कोरोना संक्रमितहरुमा २० जना उपचार पछि ‘डिस्चार्ज’ भएका छन् । विभिन्न अस्पतालमा उपचार गराइरहेका संक्रमितहरु ‘डिस्चार्ज’ भएको जिल्ला स्वास्थ्य कार्यालय काभ्रेका प्रमुख नरेन्द्रकुमार झाले जानकारी दिएका हुन् ।

संक्रमित भएका ६ जना भने आइसोलेसनमा रहेर उपचार गराइरहेको डा. झाले जानकारी दिए ।

जिल्लाका विभिन्न स्थानीय तहको क्वारेन्टाइनमा १ सय १४ जना पुरुष र २५ जना महिला गरि १ सय ३९ जना रहेको उनले बताए ।

त्यसैगरि हालसम्ममा पुरुष ७ सय १२ र महिला १ सय ५० गगरि ८ सय ६२ जना क्वारेन्टाइनमा बसीसकेका छन् । तेस्रो मुलुकबाट आएका संख्या भने हालसम्ममा २ सय ३९ जना रहेको डा. झाले जानकारी दिए ।

+ posts

समाज परिवर्तनका लागि कलमकाे एक थाेपा मसी नै काफी छ ।

Language »