काठमाडौं। पछिल्लो २४ घण्टामा काठमाडौं उपत्यकामा थप ९८ जनामा कोरोना भाइरस संक्रमण पुष्टि भएको छ ।
आज देशभर थपिएका ४८६ संक्रमितमध्ये ९८ जना काठमाडौं उपत्यकाभित्रका रहेको स्वास्थ्य तथा जनसंख्या मन्त्रालयले जानकारी दिएको छ ।
काठमाडौंमा ८० जना, ललितपुरमा ९ र भक्तपुरमा ९ जना गरेर थप ९८ जना संक्रमित भेटिएका हुन् ।
यसअघि शुक्रवार काठमाडौंमा ८३ जना, ललितपुरमा ३० जना र भक्तपुरमा ६ कोरोना संक्रमित थपिएका थिए ।
यता नेपालमा पछिल्लो २४ घण्टामा थप ४६८ जनामा कोरोना भाइरस संक्रमण पुष्टि भएको छ ।
यो सहित नेपालमा संक्रमितको संख्या २६ हजार १९ पुगेकोछ । त्यस्तै कोरोना संक्रमणबाट मृत्यु हुनेको कुल सङ्ख्या १०२ पुगेको छ ।