काठमाडौं । कोरोना भाइरस (कोभिड-१९) को संक्रमणबाट थप एकजनाको मृत्यु भएको छ।
स्वास्थ्य तथा जनसंख्या मन्त्रालयका प्रवक्ता डा.जागेश्वर गौतमले कोरोना भाइरस संक्रमणबाट बझाङको बुगल गाउँपालिका- ३ का ६५ वर्षीय पुरुषको कोरोना संक्रमणबाट मृत्यु भएको जानकारी दिए।
उनका अनुसार उनी भारतको बैंग्लोरबाट असार २४ गते बझाङ पुगेका थिए ।
उनको साउन ३ गते घरमै निधन भएको थियो । उनको स्वाब जाँच गर्दा कोरोना पुष्टि भएको हो । उनी दमका रोगी थिए।
यससँगै कोरोना संक्रमणबाट मृत्यु हुनेको संख्या ४९ पुगेको छ ।
सोमबार मात्र स्वास्थ्य मन्त्रालयले ३ जनाको कोरोनाबाट मृत्यु भएको पुष्टि गरेको थियो ।
यस्तै मंगलबार ३११ जनामा कोरोना भाइरस (कोभिड -१९) संक्रमण देखिएको छ।
