नेपालगञ्ज,कपिलबस्तुमा रहेको माहुरी होमले बाँकेका विभिन्न प्रहरी कार्यालयलाई स्वास्थ्य तथा सरसफाईका सामग्री सहयोग गरेको छ ।
डिएफआइडीको आर्थिक सहयोगमा भिएसओ र ईन्टरनेशनल अलर्टको साझेदारीमा माहुरी होम कपिलबस्तुले कोरोना भाइरसबाट बच्नका लागि स्वास्थ्य तथा सरसफाईका सामग्री सहयोग गरिएको हो ।
माहुरी होमले सक्रियतामा जिल्ला प्रहरी कार्यालय बाँके,महिला बालबालिका तथा जेष्ठ नागरिक सेवा केन्द्र(महिला सेल) र ईलाका प्रहरी कार्यालय (क)कम्दी, ईलाका प्रहरी कार्यालय (ख) बनकट्टी,ईलाका प्रहरी कार्यालय हिरमिनिया,प्रहरी चौकी बेतहनी, नेपालगन्ज उप-महानगरपालिका वडा नम्बर २३ कार्यालय लगायतलाई स्वास्थ्य तथा सरसफाईका सामग्री सहयोग गरिएको हो ।
माहुरी होमले स्यानीटाइजर, मास्क, पिपिई, हेण्डवास, स्प्रे, थर्मल गण, ग्लोब्स, सहयोग गरिएको सस्थाका सामाजिक परिचालक शिव शकर जैसवालले जानकारी दिनुभएको छ ।
कोरोना भाइरस माहामारी रोक्न प्रहरी दिनरात खट्नुपर्ने भन्दै सस्थाले स्वास्थ्य तथा सरसफाईका सामग्री सहयोग गरेको जैसवालले जानकारी दिनुभएको छ ।
पछिल्लो समयमा प्रहरीमा कोरोना भाइरसको रिपोर्ट पोजेटिभ आउने क्रम बढेपछि सचेत हुदै काम गर्न सहज गराउन स्वास्थ्य तथा सरसफाईका सामग्री सहयोग गरिएको सामाजिक परिचालक सरू हमालले जानकारी दिनुभएको छ ।
यस्तै केही दिनमा देउखुरी क्षेत्रमा रहेका ईलाका प्रहरी कार्यालय भालुबाङ र प्रहरी चौकी सिसहनियालाई पनि उपलब्ध गराउने कार्यक्रम रहेको माहुरी होमका बोर्ड सदस्य प्रेम जैसवालले जानकारी दिनुभएको छ ।
माहुरी होमले सहज परियोजना सञ्चालन भएका कपिलबस्तु, दाङ, बाँके, बर्दिया, प्यूठान, रोल्पा, रुपन्देहीमा रहेका प्रहरी कार्यालयलाई सहयोग उपलब्ध गराउने कार्यक्रम रहेको जैसवाललले जानकारी दिनुभएको छ ।