नेपालगन्ज, बाँकेको नेपालगन्जमा विभिन्न हिन्दु धार्मिक संगठनहरूले आउने मंसिर १३ गते शनिबार भब्य ¥याली निकाल्ने भएको छ ।
अहिलेको सरकारको गतिविधि र युवाहरुको चाहनाले राजतन्त्र र हिन्दुराष्ट्र पुनःस्थापना माग गर्दै नेपालगन्जमा प्रदर्शन गर्ने भएका छन् ।
हिन्दु राष्ट्रवादी नामक युवाहरुको समुहले मंसिर १३ गते शनिबार बागेश्वरी मन्दिर परिसरबाट मोटरसाइकल ¥याली तथा पथ यात्रा गर्ने भएको छ ।
उक्त पथयात्रा बागेश्वरी मन्दिर बाट न्युरोड, सेतुविक चोक, होटल कलपत्रु, बसपार्क रोड, पुष्पलाल चोक, धम्बोजि, घरबारी टोल, भित्रिने मोड, त्रिभुवन चोक, चारबाहिनी, गणेषमान चोक र विपि चोकमा पुगि कोण सभा गर्ने नेपाल शिवसेना अध्यक्ष राज कुमार रौनियारले जनाएका छन् ।
हिन्दू राज्य र राजतन्त्र सहितको माग राख्दै प्रदर्शन गर्ने तयारीमा लागेको र सम्पुर्ण बाँकेका युवा तथा हिन्दु धर्मालम्बीहरु तथा राजा चाहने सम्पुर्ण नेपालीहरू हिन्दु धर्मलाई छातिमा राखेर पार्टीलाई त्यागेर प्रदर्शनमा सहभागिता जनाई दिन अध्यक्ष रौनियारले अपिल गरेका छन् ।
