नेपालन्ज,नेपालन्ज उद्योग वाणिज्य संघले कोरोना बिरुद्धको अभियानमा बनाएको बिपद् व्यवस्थापन कोषले सशस्त्र प्रहरी बल नेपाल नं. ३० गण हे.क्वा. बागेश्वरी बाँकेलाई १० बन्डल जस्तापाता हस्तान्तरण गरेको छ ।
बाँकेको सीमा सुरक्षामा खटिएका सशस्त्र प्रहरीको पोष्ट निर्माणका लागि बिहिवार संघका अध्यक्ष अब्दुल वाहिद मन्सुरीले जस्तापाता हस्तान्तरण गर्नुभयो ।
सीमा सुरक्षामा दिन रात नभनी खटिएका प्रहरीलाई डिउटीमा समस्या नहोस् भनेर क्याम्प निर्माणका लागि सानो सहयोग गरिएको अध्यक्ष मन्सुरीले बताउनुभयो ।
उहाँले संघको बिपद् कोष मार्फत बिभिन्न सहायता प्रदान गरिरहेको जानकारी दिनुभएको छ ।
साथै संघले बनाएको बिपद् कोषमा सहयोग गर्ने क्रम जारी रहेको छ ।
जस अनुसार बिहिवार कोषमा अध्यक्ष मन्सुरीले ७ हजार ५,पूर्व महासचिव बिष्णु लामिछानेले ९ हजार, व्यवसायी एवं समाजसेवी मुन्ना मन्सुरीले ७ हजार ५, व्यवसायी रामकुमार राठौरले ७ हजार ५ सय र व्यवसायी उपकार टण्डनले सात हजार ५ सय सहयोग गर्नुभयो ।
जस्तापाता सहयोग गरेकोमा सशस्त्र प्रहरी बल नेपाल नं. ३० गण हे.क्वा. बागेश्वरी बाँकेले संघलाई धन्यवाद दिएको छ । अस्थायी पोष्टमा कष्टकर तरिकाले डिउटी गरिरहेका सशस्त्र प्रहरीलाई पक्की संरचना निर्माणका लागि जस्तापाता सहयोगी सावित हुने छ ।