राैतहट। राैतहटका १० जना संक्रमित सबै भारत बाट आएकाे खुलेकाे छ । आज (आइतबार) बिहान स्वास्थ्य मन्त्रालयले दिएकाे अपडेट अनुसार राैतहटमा १० जना नयाँ संक्रमित फेला परेका छन् । सबै भारतबाट आएका हुन् ।
मन्त्रालयका अनुसार राजपुर नगरपालिका फरहदा निवासी १८, ३२, ३६, ३९, ३९, ४२, ४८ वर्षीय र इशनाथ नगरपालिका ३ र ५ का २८, ३० र ३३ वर्षीय पुरुषमा आइतबार बिहान कोरोना पुष्टि भएको थियो । उनीहरु केही दिनअघि मात्रै भारतको मुम्बइ, गुजरातलगायतका ठउँबाट आएको प्रमुख जिल्ला अधिकारी वासुदेव घिमिरेले जानकारी दिए ।
रौतहटका प्रहरी प्रमुख रविराज खड्का अनुसार संक्रमित सबै भारतबाट नेपाल आएका नेपाली मजदुरहरु हुन् । उनीहरु भारतका विभिन्न सहरमा कम गर्दै आइरहेका थिए । नेपाल छिरेलगत्तै सम्बन्धित निकायको पालिकामा रहेको क्वारेनटाइनमा राखेरगत शुक्रबार स्वाबको नमूना संकलन गरेर राष्ट्रिय जनस्वास्थ्य प्रयोगशाला काठमाडौँमा परीक्षणका लागि पठाइएको थियाे । क्वारेन्टाइनमा रहेका उनीहरुको गत शुक्रबार स्वाबको नमूना संकलन गरेर परीक्षणको लागि राष्ट्रिय जनस्वास्थ्य प्रयोगशाला, काठमाडौं पठाएको थियो ।
थराजपुर नगरपालिकाका नगर प्रमुख मो. शकिल अख्तरका अनुसार सो नगरपालिकामा भेटिएका सबै संक्रमितहरुलाई पाँच दिनअघि सीमा-नाकाबाट सिधै क्वारेन्टाइनमा राखिएको हुनाले उनीहरुबाट नगरमा संक्रमणको जोखिम रहेको छैन । उहाँका अनुसार हाल सो नगरपालिकाको क्वारेनटाइनमा १५० भन्दा बढी भारतबाट आएका नेपाली मजदुरहरु राखिएको छ । र यो क्रम निरन्तर चलिरहेको छ ।
जिल्लाका विभिन्न स्थानीय तहले सीमा-नाकामा अलपत्र परेका आफ्ना नागरिकहरुलाई उद्धार गरेर क्वारेनटाइनमा राख्न थालेका छन् । भारतबाट आएकाहरुमा संक्रमण देखिने क्रम बढेकाले जिल्लामा थप संक्रमितहरुको संख्या थपिने स्थानीयहरुको अनुमान रहेको छ ।
संक्रमित पुष्टि भएकाहरुलाई उपचारको लागि कहाँ पठाउने भन्ने बारेमा छलफल भइरहेको बुझिएको छ । योसँगै रौतहटमा कोरोना संक्रमितको सङ्ख्या १३ पुगेको छ । रौतहटको इशनाथ, वृन्दावन र देवाही गोनाही नगरपालिकामा पहिले नै तीनजना संक्रमति फेला परेका थिए ।