अहिलेको तामाङ गीत संगीत बजारमा एकपछि अर्को भिडियोमा अभिनय गर्दै आएका मोडल अमिर मोक्तानको फेरी अर्को म्युजिक भिडियो “मायाको चिनो लौकाको बिउ” सार्वजनिक भएको छ । यस गीतमा किरण ब्लोनको शब्द रहेको छ भने योगेश लामाको संगीत तथा संगीत संयोजन रहेको छ । किरण ब्लोन र निरमाया तामाङले यस गीतमा आवाज दिएका छन् । पर्पल रेकर्डिङ स्टुडियोमा रेकर्ड गरिएको यस गीतलाई सुमन खड्काले अडियो मिक्सिङ गरेका हुन् ।
भिडियोमा अमिर मोक्तानका साथमा गंगा तामाङ, रश्मिला तामाङ र किरण ब्लोनको अभिनय रहेको छ । यस गीतको भिडियोलाई कबिन योञ्जनले निर्देशन र बल कुमार मगरले छायांकन र सम्पादन गरेका हुन् ।
