सन् २०२२ मा हुने फिफा विश्वकप फुटबलका लागि आयोजक राष्ट्र कतारले छनौट चरणको खेलअन्तर्गत युरोपियन क्षेत्रको समूह “ए” मा पाहुना टोलीका रूपमा सहभागिता जनाउने भएको छ । आयोजक राष्ट्रका हैसियतले कतारले सोझै विश्वकपमा प्रवेश पाइसकेको छ ।
युइएफले कतारलाई ठुला खेलको अनुभव गराउन छनौट खेलअन्तर्गत युरोपियन समूह “ए” मा सहभागी गराउँदै सहजीकरण गरेको हो । यस सहजीकरणका लागि कतारले युइएफएलाई धन्यवाद पनि दिएको छ ।
कतारले समुह “ए” को सबै टोलीसँग होम एन्ड अवे दुवै खेल अनुभवका लागि मात्रै खेल्नेछ । अर्थात् कतारविरुद्धको हार–जितको अंकले अन्य टोलीका लागि केही मान्य हुनेछैन । खेलाडीको गोललाई भने अफिसियल गोलकै मान्यता दिइनेछ । कतारले भने सबै खेल युरोपमै खेल्नेछ ।
कतारले पाहुना टोलीका रूपमा समूह ‘ए’ मा पोर्चुगल, सर्बिया, रिपब्लिक अफ् आयरल्यान्ड, लक्जेमवर्ग र अजरबैजान विरुद्ध छनोट खेल अन्तर्गत खेल्नेछन् ।