काठमाडौं । कोरोना संक्रमितको संख्या विश्वमा १ करोड ७७ लाख नाघेको छ ।
विश्व स्वास्थ्य संगठनका अनुसार हालसम्म विश्वमा कोरोना संक्रमितको संख्या १ करोड ७७ लाख बढी पुगेको छ ।
यस्तै कोरोना बाट विश्वमा ६ लाख ८२ हजार जनाको ज्यान गएको छ ।
पछिल्लो २४ घण्टामा विश्वभर दुई लाख ९२ हजारभन्दा धेरै कोरोनाका नयाँ सङ्क्रमित थपिएका छन् ।
विश्व स्वास्थ्य संगठनका अनुसार शुक्रबार मात्रै विश्वभर २ लाख ९२ हजार ५२७ जना कोरोनाका नयाँ सङ्क्रमित थपिएका हुन् ।
अमेरिका, ब्राजिल, भारत र दक्षिण अफ्रिकामा धेरै सङ्क्रमित थपिएका संगठनले जनाएको छ ।
त्यस्तै पछिल्लो २४ घण्टामा ६ हजार ८१२ जनाको भने ज्यान गएको छ ।एक करोड ११ लाख भने उपचारपछि निको भएका छन् ।
उपचार गराइरहेका ५९ लाखमध्ये एक प्रतिशत अर्थात साढे ६५ हजारको अवस्था जटिल भए पनि बाँकी ५८ लाखको अवस्था सामान्य छ ।