काठमाडौं । चर्चित गीतकार तथा निर्देशक शंकर अधिकारी ‘घायल’ को निर्देशनमा नयाँ चलचित्र चाल बन्ने भएको छ ।
उद्वव भट्टराई, मोहन गमाल, यज्ञराज सेडाइको निर्माण तथा बक्स अफिस ग्रुप प्रा. लि. को ब्यानरमा बन्ने उक्त चलचित्रमा तारा प्रसाद निरौला (सन्तोष)को प्रस्तुति रहने छ ।
घायल कै लेखन रहेको चलचित्रको निर्देशनसमेत घायल आफैंले गर्ने भएका छन् ।
घायलले दिएको जानकारी अनुसार निर्माणधीन चलचित्र चाल पारिवारिक सत्य घटनामा आधारित कथावस्तुमा बन्नेछ ।
चलचित्रको निर्माण हुँदै गर्दा विक्रम लुङवा, माही न्यौपाने र उद्दव ट्टराईसहितको फर्स्टलुक सार्वजनिक गरिएको छ भने अन्य कलाकार छनोट प्रक्रियामा रहेको निर्देशक घायलले बताए ।
हरि मानन्धर( विवश ), र शंकर अधिकारी घायलको गीत तथा गैर्हे सुरेस र घायलको संगीत यस चलचित्रमा रहने भएको छ ।
चलचित्रको मिडिया पार्टनर को रुपमा शान्ति नेपाल टेलिभिजन रहने प्रारम्भिक सहमति भएका छ ।
भविष्यमा यसलाई अफिसियल मिडिया पार्टनर बनाउने कुरा समेत सहमति नजिक पुगेको छ ।
