नेपालगन्ज,समाजवादी युवा संघ लुम्बिनी प्रदेशका अध्यक्ष नदिम शाहले समाजवादी युवा संघ लुम्बिनी प्रदेशका अध्यक्ष राष्ट्रिय प्रजातन्त्र पार्टीमा प्रवेश गरेको हल्ला निराधार भएको बताउनु भएको छ ।
राप्रपा बांकेले नेपालगन्ज उपमहानगरपालिकामा वडा नम्बर ४ मा गरेको कार्यक्रममा समाजबादी युवा संघ लुम्बिनी प्रदेशका अध्यक्ष राकेश शाह लगायत समाजबादी युवा संघका युवाहरु आफ्नो पार्टीमा प्रबेश गरेको सामाजिक संजालमा प्रचार प्रसार गरेको थियो । तर शाह समाजवादी युवा संघ लुम्बिनी प्रदेशका अध्यक्ष नभएको उहाँले स्पष्ट पार्नुभएको हो ।
पुष १९ गते युवा संघका कार्यकर्ताहरु राप्रपामा प्रवेश गरेको भनि विभिन्न सामाजिक संजालमा प्रचारबाजी गरेको बिषयमा हाम्रो संगठनको गम्भीर ध्यानाकर्षण भएको छ ।
विज्ञप्तीमा भनिएको छ हाम्रो संगठनको दोश्रो लुम्बिनी प्रदेशको नेपालगन्जमा मिति कार्तिक २२ मा सम्पन्न भेलाले मेरो (नदिम शाह)को संयोजकत्वमा ५१ सदस्यीय प्रदेश समिती निर्बाचित गरेको र निज राकेश शाह लगायत आज प्रबेश गरेका कुनै पनि युवाहरु हाम्रो संगठनको साधरण सदस्य समेत नरहेको जानकारी गराइन्छ ।
नदिम शाहद्धारा जारी विज्ञप्तीमा भनिएको छ एउटा राजनितिक पार्टी हुनुको नाताले राजनितिक संस्कारमा रहि प्रचारप्रसार गर्न र अनाबश्यक भ्रमको खेती नगर्न अपिल गर्दछौं ।
यस्ता गलत र अनर्गल प्रचारबाजी भएमा समाजबादी युवा संघ चुप लागेर नबस्ने चेतावनी पनि विज्ञप्तीमार्फत दिइएको छ । राप्रपाको अवस्था खस्कदै गएपछि उस्ले विभिन्न पार्टीका कार्यकर्ताहरु आफ्नो पार्टीमा प्रवेश गरेको गतल प्रचार गर्दै आएको छ ।
