हालसालै ह्वाट्स एपले प्रयोगकर्ताहरुको डाटा फेसबुकसँग सेयरिङ गरिने जानकारीले यसको प्रयोगकर्ता ह्वात्तै घटे र ह्वाट्स् एपको यस कदमले व्यक्तिगत सुरक्षा खतरामा पर्ने भनी यसको आलोचना पनि भयो । अब भने ह्वाट्स एपले प्रयोगकार्ताको डाटा फेसबुकसँग सेयर नगर्ने भनी नयाँ नीति ल्याउन लागेको छ ।
ह्वाट्स एपले १७ जनवरीआइतबार बिहान प्रयोगकर्ताको ह्वाट्सएप स्टाटस सेगमेन्टमा एक स्टाटस् सन्देश जारी गरे । त्यसमा ह्वाट्सएपले आफू प्रयोगकर्ताको प्राइभेसीका लागि प्रतिबद्ध रहेको उल्लेख गरेको छ । ह्वाट्सएपले प्रयोगकर्ताका व्यक्तिगत म्यासेज पढ्न नसकिने र मेसेजहरु एण्ड टू एण्ड एन्क्रिप्टेड हुन्छन् भनी बताएको छ । प्रयोगकर्ताको शेयर भएको लोकेसन नदेखिने र ह्वाट्सएप प्रयोगकर्ताका कन्ट्याक्टहरु फेसबुकसँग शेयर नगरिने पनि उल्लेख गरिएको छ ।
यसअघि ह्वाट्सएपले एपको माध्यमबाट प्रयोगकर्तालाई एक नोटिफिकेसन पठाउँदै प्राइभेसी नीतिमा परिवर्तन गर्न लागेको र फेब्रुअरी ८ सम्म अपडेटमा सहमति नजनाएमा ह्वाट्सएप चलाउन नसकिने जनाएको थियो । त्यसपछि ह्वाट्स एपको यस कदमको आलोचना गर्दै एकाएक प्रयोगकर्ताहरु घटे । त्यसै कुरालाई मध्यनजर गर्दै ह्वाट्स एक ट्वीटमार्फत् उक्त गोपनीयता नीतिको अपडेटलाई आगामी मेसम्मका लागि स्थगत गरहेको घोषणा गरेको थियो । साथै कुनैपनि प्रयोगकर्ताका ह्वाट्सएप अकाउन्ट डिलिट वा सस्पेन्डसमेत नगरिने बताइएको छ ।
