काभ्रे। रोशी गाउँपालिका मङलटार स्वास्थ्य चौकीमा १६ गते अाइतबार १८ वर्ष मुनिका अपाङ्कता भएका बालबालिकाहरुका लागि आयोजित स्वास्थ्य शिविर सम्पन्न भएको छ ।
रोशी गाउपालिकाको आयोजनामा अपाङ्ग बाल अस्पताल तथा पुनर्स्थापना केन्द्र बनेपाको सहकार्यमा सञ्चालन भएको उक्त शिविरमा ६२ जना बालबालिकाहरुकाे स्वास्थ्य परिक्षण गराएको गाउँपालिकाका स्वास्थ्य संयोजक गंगा लाल श्रेष्ठले जानकारी दिएकाे हाे ।
रोशी गाउँपालिका, तेमाल गाउँपालिका र सिन्धुली जिल्लाका समेत गरि ६२ जना बालबालिकाहरुकाे स्वास्थ्य परिक्षण गरिएको स्वास्थ्य संयोजक श्रेष्ठले जानकारी दिएका छन् । श्रेष्ठका अनुसार शिविरमा नियमित उपचार गराउदै आएका र केही नया बालबालिकाहरुकाे स्वास्थ्य परिक्षण गरिएको थियो ।
सोही क्रममा कोरोना भाईरसबारे सचेतना र हरेक बालबालिकाहरुलाई स्वास्थ्य किट १/१ पाकेट वितरण गरेको स्वस्थ्य संयोजक श्रेष्ठले जानकारी दिएकाे हाे । रोशी गाउँपालिका भित्र हाल सम्मको तथ्याङ्क अनुसार १२७ जना शारिरीक रुपमा अपाङ्गता भएका बालबालिकाहरु रहेका छन् ।
