बाँके युनेस्को र प्लानद्धारा बाँसगढीका बालबालिकाकालागि पैरवी कार्यशाला सञ्चालन

नेपालगञ्ज, बाँके युनेस्को क्लबले विद्यालय बाहिर रहेका तथा विभिन्न कारणले विद्यालय छाडेका बालबालिकाको शिक्षाका लागि बर्दियाको बासगढी नगरपालिकामा भर्चुअल पैरवी कार्यशाला सम्पन्न गरेको छ ।


प्लान इन्टरनेसनल नेपालको सहयोगमा युनेस्को क्लबले बर्दियामा सञ्चालन गरेको बालविवाह न्युनिकरण परियोजना अन्तर्गत सो कार्यशालाको आयोजना गरिएको जनाईएको छ ।

No description available.


विद्यालय बाहिर रहेका तथा विचमै विद्यालय छाडेका बालबालिकाको पहिचान गर्ने, उनिहरुलाई विद्यालयमा ल्याउन र टिकाई राख्ने कार्यक्रम बनाउने तथा सम्बन्धित पालिकालाई सो बारेमा निति बनाउन र बजेट विनियोजन गर्न प्रेरित गर्ने उदेश्यले कार्यशाला गरिएको क्लबका संरक्षक प्रवेज अली सिद्दिकीले बताउनुभयो ।


उहाँले कार्यशालाका सहभागि सबै सरोकारवालाले यसलाई प्रमुख प्राथमिकता दिने प्रतिवद्धता जनाउनु भएको बताउनुभयो ।
उक्त भर्चुअल कार्यशालामा बोल्दै बासगढी नगरपालिकाका मेयर शालिकराम अधिकारीले नगरपालिका बजेट निर्माणको तयारीमा रहेको बेला यस्तो महत्वपुर्ण कार्यक्रम गरिएको जनाउँदै पालिकाले सबै बालबालिकालाई विद्यालयमा ल्याउने निति तथा कार्यक्रम बनाउने बताउनुभयो ।

No description available.


उहाँले सम्बन्धित सबैको सहयोगमा कोही पनि बालबालिका शिक्षाबाट बन्चित नहुन भन्ने उदेश्यका साथ काम गर्ने प्रतिवद्धता जनाउनुभयो ।
नगरपालिकाका शिक्षा शाखा प्रमुख क्षत्र बहादुर शाहीले कार्यक्रम अतिनै आवश्यक र सान्दर्भिक भएको जनाउँदै विद्यालय बाहिरका बालबालिकाको शिक्षाका लागि कार्यक्रम तथा योजना बनाइने बताउनुभयो ।


बासगढीका महिला बालबालिका तथा जेष्ठ नागरिक शाखाका प्रमुख यशोदा थापाले बाल अधिकार संरक्षणका लागि पालिकाले सबैसंग समन्वय र सहकार्य गरेर काम गर्ने बताउनुभयो ।

सो कार्यशालामा प्लान इन्टरनेसनल नेपालका कार्यक्रम व्यवस्थापक अम्बिका प्रसाद तिमिल्सिना, कार्यक्रम संयोजक झलक विक, बाँके युनेस्को क्लबका कार्यकारी निर्देशक रवि तुलाधर र बासगढी नगरपालिकामा रहेका १४ वटै माध्यामिक विद्यालयका प्रधानाध्यापकहरुको सहभागिता रहेको थियो ।


उक्त कार्यक्रमको सहजीकरण मध्यपश्चिम विश्व विद्यालयका उपप्रध्यापक रविन मल्लले गर्नु भएको थियो भने बालविवाह न्युनिकरण परियोजना र सो अन्तर्गत गरिने कार्यहरुका बारेमा क्लबका कार्यक्रम संयोजक बसन्त विसीले जानकारी गराउनु भएको थियो ।


क्लबले विद्यालय बाहिर रहेका बालबालिकाको पहिचान गरेर उनिहरुको अवस्था विश्लेषण गर्दै पालिकासंग समन्वय गरेर उनिहरुलाई विद्यालयमा ल्याउन र टिकाई राख्न पहल गर्ने तथा बैकल्पिक शिक्षा मार्फत कक्षा सञ्चालन गर्ने लगायतका कार्यहरु गर्ने क्लबका अध्यक्ष राजेन्द्र चौधरीले बताउनुभयो ।

+ posts
Language »
%d bloggers like this: