सरसफाई तथा स्वच्छता कार्यक्रमको युनेस्को बाँकेद्धारा अनुगमन


नेपालगन्ज, बाँके युनेस्को क्लबले बर्दिया जिल्लाको बारबर्दिया नगरपालिकामा सञ्चालनमा रहेको सरसफाई तथा स्वच्छता कार्यक्रमको अनुगमन गरेको छ ।


प्लान इन्टरनेसनल नेपालको सहयोगमा सञ्चालन गरिएको आकस्मिक प्रतिकार्य तथा प्रारम्भिक पुनर्लाभ कोष परियोजनाको सो कार्यक्रम अन्तर्गत बर्दियाको बारबर्दिया र राजापुर नगरपालिकाका अति विपन्न कोभिड प्रभावित ६१५ परिवारलाई सरसफाई तथा स्वच्छता सामाग्री वितरण गर्नुका साथै जनेचतनामुलक कार्यहरु पनि सञ्चालन गरिएको छ ।

No description available.


उक्त कार्यक्रम अन्तर्गत हाल भैरहेको जनचेतनामुलक माईकिंग, होर्डिंग बोर्डहरुको अवस्था र हात धुने स्थानहरुको प्रयोगका बारेमा बाँके युनेस्को क्लबकाृे व्यवस्थापन टोलीले स्थलगत अनुगमन गरेर सो बारेमा जानकारी लिएको हो ।


क्लबका संरक्षक प्रवेज अली सिद्दिकीको नेतृत्वमा कार्यकारी निर्देशक रवि तुलाधर, सल्लाहकार सिराज खान र कार्यक्रम अधिकृत दयाराम चौधरी लगायतको सो टोलीले बारबर्दिया नगरपालिकाको विभिन्न ठाउँमा राखिएका होर्डिंग बोर्ड, जयनगरमा भैरहेको सचेतना माईकिंग तथा पाँच स्थानमा राखिएका हात धुने स्थानहरुको अवस्थाका बारेमा जानकारी लिएको थियो ।

No description available.


अनुगमनका क्रममा चेतनामुलक माईकिंग निरन्तर भैरहेको, होर्डिंग बोर्डहरु सर्वसाधारणको ध्यानआकर्षण गर्ने स्थानहरुमा लगाईएको तथा हात धुने स्थानहरुको राम्रो सदुपयोग भैरहेको पाईएको क्लबका संरक्षक सिद्दिकीले बताउनुभयो ।

No description available.


यसअघि बारबर्दियामा ३१५ परिवारलाई सरसफाई तथा स्वच्छता सामाग्री वितरण गरिएको थियो । वितरण गरिएको सामाग्रीमा प्रत्येक परिवारलाई पाँच प्याकेट सर्जिकल मास्क, एक डिजिटल थर्मामिटर, २ बाल्टिन, ८ वटा नुहाउने साबुन, ४ वटा लुगा धुने साबुन, २ साबुदानी, १० प्याकेट सेनेटरी प्याड, ४ वटा पेन्टी, २ वटा सेम्पु, ५०० एमएलको १ बोतल सेनिटाइजर, २ प्याकेट सेनेटरी कपडा र १ किट व्याग लगायतका सामाग्री रहेका थिए ।

No description available.


सोही सामाग्री राजापुर नगरपालिकाका पनि ३ सय विपन्न परिवारलाई वितरण गरिएको जनाउँदै क्लबका कार्यकारी निर्देशक रवि तुलाधरले बर्दियाका पाँचवटा एमएफ रेडियोहरुबाट ४ वटा जनचेतनामुलक सन्देश बजिरहेको, नेपाली र थारु भाषामा पोस्टरहरु दुबै नगरपालिकामा घरघरमा पुरयाईएको बताउनुभयो ।

+ posts
Language »
%d bloggers like this: