बर्मुडाको कीर्तिमान, ओलम्पिकमा स्वर्ण जित्ने विश्वको सबैभन्दा सानो देश

मंगलबार टोकियो ओलम्पिकमा बर्मुडाकी फ्लोरा डुफेले महिला ट्रायथलनकाे एकल स्पर्धामा स्वर्ण पदक जितिन् ।

डुफेको जितसँगै बर्मुडा ओलम्पिकमा स्वर्ण पदक जित्ने विश्वकै सबैभन्दा सानो देशको कीर्तिमान रच्न सफल भयो । विश्व बैंककाे सन् २०१९ काे तथ्यांक अनुसार बर्मुडाको जनसंख्या जम्मा ६३ हजार ९१८ रहेको छ ।

यसभन्दा पहिला बर्मुडाले सन् १९७६ को ओलम्पिकमा कास्य पदक जितेको थियो । त्यसपछि बर्मुडा स्वर्ण पदकको खोजीमा थियो ।

३३ वर्षीया डुफेले स्वर्ण जितेपछि भनिन्,‘मलाई लाग्छ कि पूरै बर्मुडा खुशी मनाइरहेको छ । यो कुरा मेरा लागि निकै नै महत्वपूर्ण छ किनभने यो मेरो सपना थियो । तर मलाई यो पनि थाहा थियो कि यो मभन्दा निकै महत्वपूर्ण थियो ।’

डुफेले १ घन्टा ५५ मिनेट ३६ सेकेन्डको समय निकाल्दै ऐतिहासिक स्वर्ण हात पारेकी हुन् । यो स्पर्धामा बेलायतकी जर्जिया टेलर ब्राउनले रजत र अमेरिकाकी केटी जाफरेसले कास्य पदक जिते ।

+ posts
Language »
%d bloggers like this: