कोम्यानलाई प्रतिस्थापन गर्दै जाभी हर्नान्डेज बार्सिलोनाको नयाँ प्रशिक्षक बन्ने

डच कोच रोनाल्ड कोइम्यान नेतृत्वको बार्सिलोनाको नयाँ सिजनको थालनी त्यति तीव्र रहेन, जति मेस्सी छँदा थियो ।

घरेलु लिगमा उसको सुरुआत फितलो छ भने च्याम्पियन्स लिगको पहिलो खेलमा नै जर्मन च्याम्पियन बायर्न म्युनिखसँग आफ्नै मैदानमा स्तब्ध बन्यो ।

हाल ला लिगामा पाँचमध्ये दुई खेलमा मात्र जित निकालेको बार्सिलोना शीर्ष स्थानमा रहेको रियल मड्रिडभन्दा सात अङ्कले पछाडि रहँदै सातौँ स्थानमा छ । क्लबको यस्तो गति हुनुमा मुख्य प्रशिक्षक कोइम्यानको पनि केही हदसम्म हात रहेको फुटबल पण्डितहरू बताउँछन् ।

खेलाडी छनोटमा चुक्नु र फितलो रणनीतिकै कारण बार्सिलोनाले सुखद नतिजा आत्मसाथ गर्न नसकेको बताइन्छ । यसैले पनि बार्सिलोना पछिल्लो समय प्रशिक्षक कोइम्यानको विकल्पको खोजी कार्यमा जुटेको स्पेनिस मिडियाका रिपोर्टहरूले जनाउँछन् ।

बार्सिलोनाले आफ्ना पूर्व–खेलाडीसमेत रहेका जाभी हर्नान्डेजलाई कोइम्यानको विकल्पका रूपमा हेरेको मार्काको दावी छ । यसअघि पनि पटक–पटक बार्सिलोनासँग जोडिएका जाभी हाल कतारी क्लब अल सादमा काम गरिरहेका छन् ।

अल सादका मुख्य प्रशिक्षक जाभीले बार्सिलोनासँग पुनः जोडिने आफ्नो सपना रहेको यसअघि नै दोहोर्याइरहेका थिए । तथापि, दुई पक्षबीच सहमति हुन सकेको थिएन । तर, अब भने कोइम्यानले जागिर छोड्नु पर्ने अवस्थामा आएमा पूर्व मिडफिल्डर जाभीलाई कतारमा स्थापित उनको परिवारसहित स्पेन बसाइँ सर्न आग्रह गर्ने बताइन्छ ।

+ posts
Language »
%d bloggers like this: