नेपालगन्जमा युवा विद्यार्थीलाई सूचनाको हक सम्वन्धी अभिमुखीकरण


मंसूर अली इद्रिशी
नेपालगंज, २८ सेप्टेम्बर सूचनामा विश्वव्यापी पहुँच अन्र्तराष्टिय दिवस नेपालगन्जमा आज पनि मनाइएको छ । सूचनामा सबैको पहुँच तथा थाहा पाउने अधिकार अन्र्तगत दिवसको सम्झनामा सूचनाको हकलाई कार्यन्वयनमा जोड दिइएको हो ।


दिवसको अवसरमा नेपालगन्जको निम्बल क्लेजका युवा विद्यार्थीहरुलाई सूचनाको हक सम्वन्धी एक दिने अभिमुखीकरण गरिएको छ । पारस्परिक जवाफदेहिता परियोजना अन्र्तगत सूचना र मानव अधिकार अनुसन्धान केन्द्र नेपालगन्जले सूचनाको हकका बारेमा सबैले थाहा पाउने भनेर अभिमुखीकरण गरेको हो ।


अभिमुखीकरणमा करिब ४७ जना विद्यार्थीहरुको सहभागिता रहेको थियो । कार्यक्रममा सूचना अभियन्ता अधिबक्ता विश्वजित तिवारीले सूचनाको हक, यस सम्वन्धीको कानूनी व्यवस्था, र कार्यन्वयनको अवस्था लगायतका बारेमा जानकारी गराउनु भएको थियो । अभिमुखीकरणमा निम्बल कलेजका संचालक सुनिलकुमार गुप्ता, प्रिन्सीपल शतिस थापा, संस्थाका उपाध्यक्ष कृष्णमुरारी प्रसाद भट्ट, कार्यक्रम संयोजक टेकनाथ आचार्य, सूचना अभियन्ता शैलेन्द्र कुमार बैश्य लगायतले बोल्नुभएको थियो ।


संस्थाले सूचनाको हक सम्वन्धी ऐन २०६४ लाई कार्यन्वयन गर्न सरोकारवालासंग पहल गर्दै आएको छ । बाँके जिल्लामा अझै पनि ऐन पूर्ण रुपमा कार्यन्वयन भएको पाइन्दैन ।

सूचनाको हक सम्वन्धी प्रचार प्रसार तथा दबाब अभियान संचालन भएपछि सार्वजनिक निकायहरुले सूचना अधिकारी तोक्ने, सूचनाको हकका बारेमा निवेदन दर्ता गर्ने र सूचना उपलब्ध गराउन थालेको सूचनाको हक जिल्ला अनुगमन समितिले जनाएको छ ।

+ posts
Language »
%d bloggers like this: