निष्पक्ष खबर, पलपलमा सारा खबर

निष्पक्ष खबर, पलपलमा सारा खबर

रिसोर्टबाट हेरोइन तस्कार पक्राउ, ५१ किलो हेरोइन बरामद

काठमाडौंलाई ट्रान्जिट बनाएर भारत लान खोजिएको ५१ किलो हेरोइन प्रहरीले एक साता लामो अपरेशन चलाएर बरामद गर्न सफल भएको छ । त्रिभुवन अन्तर्राष्ट्रिय विमानस्थल र ठमेल क्षेत्रबाट ५१ किलो हेरोइन बरामद गरिएको लागुऔषध नियन्त्रण ब्यूरोका एसपी जीवन श्रेष्ठले बताए । बरामदमध्ये ४९ किलो सेतो हेरोइन र २ किलो खैरो हेरोइन रहेको विधि विज्ञान प्रयोगशालामा गरेको परीक्षणबाट पुष्टि भएको छ ।

दक्षिण अफ्रिकाबाट आएका ७ जना महिलाहरुले सो हेरोइन ल्याएका हुन् । हेरोइन बोक्नेहरू ६ जना दक्षिण अफ्रिकाबाट दुबई हुँदै काठमाडौं आएका हुन् । एकजना ३७ वर्षीया दक्षिण अफ्रिकन महिला मोरोएसपी सुजान कोफुचाहिँ जेठ ३१ मा कतारको दोहाबाट काठमाडौं आएकी हुन् ।

सातवटा सुटकेशमा विशेष तरिकाले छिपाएर ल्याएको हेरोइनसहित ब्यूरोले ७ जना दक्षिण अफ्रिकन महिलालाई नियन्त्रणमा लिएको छ । पक्राउ पर्नेमा सिबिसी थान्डेकिले, मुरिएल केदुकवाजी थेन्बेनी न्साम्बा, साबालाला खान्यिसिल इभोन्ने, रोसिन्हा नोन्केले जान्त्जो, महलाको मौरिन माथिबा, मोरोएसी सुजान कोफु र मार्लिज बाडेनहोर्सस्ट छन् ।

ब्यूरोले केहीलाई ठमेलबाट त केहीलाई त्रिभुवन अन्तर्राष्ट्रिय विमानस्थलमा ओर्लनासाथ पक्राउ गरेको थियो । तर, एक जनाचाहिँ रिसोर्टमा फेला परिन् । उनी हुन् २९ वर्षीया महलाको मौरिन माथिबा । जेठ २६ मा काठमाडौं आएकी मौरिनले ७ किलो हेरोइन भएको सुटकेश ल्याएकी थिइन् । सिन्धुपाल्चोकस्थित सुकुटे बिच रिसोर्टमा नेपाली साथीसँग घुम्न गएकी उनलाई ब्यूरोको टोलीले पिछा गरेर काठमाडौंको ठमेलबाट पक्राउ गरेको छ ।

हेरोइन लिएर काठमाडौं आएका महिलाहरु दक्षिण अफ्रिकामा सामान डेलिभरी गरेर गुजारा चलाउँथे । एकजनाले आफु कुक भएको प्रहरीसँग भनेकी छन् । साबालाला, रोसिन्हा र मौरिनलाई दक्षिण अफ्रिकाबाट एउटै व्यक्तिले हेरोइन पठाएको अनुसन्धानबाट थाहा भएको ब्यूरोका एसपी जीवन श्रेष्ठले बताए ।

लागुऔषध कारोबारीहरुले भरियालाई दक्षिण अफ्रिकाबाट नै होटल बुक गरेर पठाएका छन् । त्यहाँ बसेर हेरोइन लिएर आउनेहरुको हरेक गतिविधिको अपडेट उनीहरुले लिने गरेका थिए । प्रहरीले बरामद गरेको हेरोइनको अन्तर्राष्ट्रिय बजार मूल्य १ अर्ब दुई करोड छ ।

सीबीसी थान्डेकिले र मुरिएल केदुकवाजी थेन्बेनी न्साम्बा जेठ २९ मा सँगै काठमाडौं आएका हुन् । उनीहरुको साथबाट प्रहरीले १६ किलो हेरोइन बरामद गरेको छ । उनीहरुको बीचमा पूर्व चिनजान थियो । साबालाला, रोसिन्हा र मौरिनको बीचमा पनि पूर्व चिनजान थियो । उनीहरुबाहेक अरु पूर्व परिचित होइनन् । मुरिएल फेब्रुअरी र मार्चमा दुईपटक काठमाडौं आएको उनको ट्राभल हिस्ट्री रेकर्डबाट थाहा भएको छ । अरु ६ जना पहिलोपटक काठमाडौं आएका हुन् ।

बरामद हेरोइन कारोबारीहरुले भारत पठाउन लागेको अनुसन्धानबाट थाहा भएको ब्यूरोका एसपी श्रेष्ठले जानकारी दिए । उनले भने– ‘नेपालमा हेरोइनको ठुलो बजार छैन, त्यसैले सो सामान भारत लैजान लागेको अनुसन्धानबाट थाहा भएको छ ।’

२०७९ वैशाख ३ मा ब्यूरोले दक्षिण अफ्रिकाको जोहानेसबर्गबाट काठमाडौंमा ल्याएको ७ किलो सेतो हेरोइनसहित कतार हुँदै नेपाल आएकी जाम्बियन नागरिक कापुटुला अविसर्गलाई पक्राउ गरेको थियो । अहिले बरामद गरिएको हेरोइन कारोबारीसँग वैशाख ३ मा पक्राउ परेकी जाम्बियन महिलासँग कनेक्सन देखिएको छ । ब्यूरोले सो हेरोइन लिन आएकी ३५ वर्षीया भारतीय नागरिक लाल नुनपुईलाई पनि वैशाख ४ मा पक्राउ गरेको थियो ।
‘विगतको ट्रेन्ड पनि भारतमा लाने गरेको देखिन्छ’ प्रहरी उपरिक्षक जीवन श्रेष्ठ भन्छन्–‘अहिले पनि भारत लैजाने तयारी रहेको अनुसन्धानबाट थाहा भएको छ ।’

1 प्रतिक्रिया

तपाइको प्रतिक्रिया

कृपया आफ्नो प्रतिक्रिया प्रविष्ट गर्नुहोस्!
कृपया आफ्नो नाम यहाँ प्रविष्ट गर्नुहोस्

spot_img
spot_img
spot_img
spot_img
spot_img
spot_img

भर्खरै

सम्बन्धित खबर

1 प्रतिक्रिया

तपाइको प्रतिक्रिया

कृपया आफ्नो प्रतिक्रिया प्रविष्ट गर्नुहोस्!
कृपया आफ्नो नाम यहाँ प्रविष्ट गर्नुहोस्

Language »