सत्य, तथ्य, निष्पक्ष खबर, पलपलमा सारा खबर

सत्य, तथ्य, निष्पक्ष खबर, पलपलमा सारा खबर

प्रजातान्त्रिक उद्योग व्यापार संगठन बाँकेले नेपालगन्जको बजारलाई राती १२ बजेसम्म खुला गर्नुपर्ने माग


नेपालगन्ज, राष्ट्रिय प्रजातान्त्रिक उद्योग व्यापार संगठन बाँकेले नेपालगन्जको बजारलाई राती १२ बजेसम्म खुला गर्नुपर्ने माग गरेको छ । संगठनका अध्यक्ष नन्दलाल वैश्य, सचिव मदनराज शर्मालगायतले नेपालगन्जको व्यापार, व्यवसायलाई बढवा दिन राती १२ बजेसम्म बजार खुला गर्न माग गर्दै शुक्रबार जिल्ला प्रशासन कार्यालय बाँकेलाई ज्ञापन पत्र बुझाएको हो ।


अध्यक्ष वैश्य बेलुका ५ बजेसम्म आफ्नै काममा मानिसहरु ब्यस्थ हुने भएकाले अधिकांश ग्राहकहरु ६ बजेपछिमात्रै बजारमा देखा पर्ने बताउँदै नेपालगन्जको बजार रातीसम्म खुल्नु पर्ने बताए । उनले ९ बजेभित्र बजार बन्द गर्ने निर्देशनले नेपालगन्ज बजारलाई ठूलो आर्थिक संकटको सामना गरिरहेको बताए ।

संगठनले बुझाएको ज्ञापन पत्रमा ‘सरकारले प्रत्येक जीवन उपयोगी वस्तुमाथि अधिक कर प्रणालीले सीमाको बजारदेखि प्रतिस्पर्धामा धेरै पछाडी रहेके हुँदा नेपालगन्जका व्यापारीहरु नराम्रो तरिकाले आर्थिक शिकार हुन बाध्य छन्’ उल्लेख गरिएको छ ।
संगठनले अतिरिक्त प्रहरी प्रशासनको अस्पष्ट एवम् अकारण रुपमा ८/९ बजे रातीसम्म मात्रै बजार खुला रहने निर्णयले साना, मझौंला साथै ऋण लिएर व्यापार गरिरहेका व्यापारीहरु मर्कामा परेको भन्दै व्यापार, व्यवसायबाट पलायन हुँदै गएको जनाएको छ ।


साथै संगठनले नेपालगन्जका व्यापार, व्यवसायीको आर्थिक उत्थानको जिम्मेवारी राज्यको हो भन्दै पत्रमा ‘राज्यले कसरी व्यापारीको लागि अनुकुल वातावरण हर सम्मत तरिकाले गर्ने भन्ने हो । जसबाट प्रत्येक शहरको यथोचित आर्थिक प्रगतिबाट व्यक्ति, परिवार र समाज तथा समर्ग राष्ट्रको आर्थिक उन्नति होस्’ उल्लेख गरिएको छ ।

भर्खरै

सम्बन्धित खबर

Language »