काठमाडौं । चलचित्र निर्देशक तथा कलाकार निश्चल बस्नेत र अभिनेत्री प्रियंका कार्कीविरुद्ध अहिले सामाजिक सञ्जालमा बहिष्कार अभियान तीव्र बनेको छ । पछिल्ला दिनमा प्रयोगकर्ताहरूले उनीहरुका फिल्म नहेर्न आह्वान गर्दै ‘बहिष्कार ट्रेन्ड’ चलाएका हुन् ।
बस्नेतमाथि विगतमा भएको ‘जेनजी आन्दोलन’ (भदौ २३ र २४)का क्रममा संसद् भवन, सिंहदरबार र सर्वोच्च अदालतमा आगजनी भएको घटनासँग जोडिएको आरोप पुनः सामाजिक सञ्जालमा चर्चामा आएको हो । ती घटनाका भिडियो तथा तस्वीरहरूमा उनी देखिएको भन्दै प्रयोगकर्ताहरूले अभियान चलाएपछि बस्नेत बहिष्कारको सिकार हुनु परेको हो ।
