नेपालगन्ज, नेपालगन्ज उपमहानगरपालिका वार्ड नं.–६ फुल्टेक्रा, राप्तीरोड स्थित श्री शिवपार्वती मन्दिरमा सुन्दरकाण्ड पाठ बिहान र साँझा गरी दैनिक २ पटक हुने गर्दछ ।
नेपालगन्ज उपमहानगरपालिका वार्ड नं.–६ फुल्टेक्रा स्व. बाबुराम कुर्मीका छोरी नाती समाजसेवी माधवराम वर्माका अनुसार कोभिड–१९ को महामारीमा आम मानिसहरुमा धेरै कष्ट परेको छ, त्यस दुःख कष्टलाई निवारण गर्नका लागी र भगवानले छिटै शान्ति दिऊन भनेर श्री शिवपार्वती मन्दिरमा दोस्रो लकडाउन शुरु भएको बैशाख महिनाको ९ गतेदेखि नै सुन्दरकाण्ड पाठ बिहान र साँझा गरी दैनिक २ पटक आयेजाना हुने गर्दछ ।
सन्दरकाण्ड पाठको वाचन कार्यक्रममा आउने श्रद्धालु भक्तजनहरुले सेनीटाइजर र मास्कको प्रयोग गर्नुका साथै सामाजिक दूरी कायम गरी बस्ने गर्दछन् ।
नेपालगन्ज उपमहानगरपालिका वार्ड नं.–६ फुल्टेक्रा स्व. बाबुराम कुर्मीद्वारा निर्मित श्री शिवपार्वती मन्दिरमा सुन्दरकाण्ड पाठ नेपालगन्जको बागेश्वरी एफ.एम.का धार्मिक कार्यक्रम (भक्तिरस) बिहान ५ बजेदेखि ६ बजेसम्म चल्ने गर्दथ्यो । त्यस भक्तिरस कार्यक्रमका प्रस्तोता नेपालगन्ज उपमहानगरपालिका वार्ड नं.–६ फुल्टेक्रा निवासी ७४ वर्षीय पण्डित शिवप्रसाद पाठकले बैशाख महिनाको ९ गतेदेखि दैनिक २ पटक सुन्दर काण्ड पाठको वाचन गरी रहनु भएको छ ।
नेपालगन्ज उपमहानगरपालिका वार्ड नं.–६ फुल्टेक्रा निवासी पुजारीको रुपमा करीब २४ वर्षदेखि हरिबहादुर क्षेत्रीले श्री शिवपार्वती मन्दिरको दैनिकी पूजा आजा गर्दै आई रहनु भएको छ ।
यसरी सुन्दरकाण्ड पाठको व्यवस्थापन स्व.बाबुराम कुर्मीका अर्का छोरी नाती समाजसेवी तथा निवृति शिक्षक युवराज वर्मा (मन्शाराम) ले गरी रहनु भएको छ ।
