नेपालगन्ज, मरियम फाउण्डेशनले नेपालगन्ज उपमहानगरपालिका वडा नं. १२ स्थित श्री बागेश्वरी आधारभूत विद्यालय र गणेशपुर चोक स्थित हाजी भोला चोकमा विद्यार्थी बालिकाहरुलाई कपडा वितरण गरेको छ । दुई ठाउँमा गरी ८० बढी छात्रा बालिकाहरुलाई कपडा वितरण गरेको फाउण्डेशनका सल्लाहकार दिनेश ठाकुरले जानकारी दिनुभयो ।
\
फाउण्डेशनले नेपालगन्ज वडा नं. ४ स्थित लालीगुराँस फेन्सी वेयरको संयोजनमा छात्रा विद्यार्थीहरुलाई पोशाक वितरण गरेको संस्थाका सल्लाहकार समेत रहेका पत्रकार ठाकुरले बताउनुभयो ।
मोहम्मद डेको अवसर पारी अल्पसंख्यक समुदायका स–साना छात्राहरुलाई संस्थाले सहयोग गरेको मरियम फाउण्डेशन काठमाडौंका अध्यक्ष समीर अन्सारीले बताउनुभयो ।
श्री बागेश्वरी आधारभूत विद्यालयमा मरियम फाउण्डेशनकी अध्यक्ष रुबिनी अन्सारीको अध्यक्षतामा भएको कार्यक्रममा प्रमुख अतिथि वडाध्यक्ष सराफत हुसेन खान रहनुभएको थियो ।
चिडिमार समाजका अध्यक्ष रामु चिडिमारले सञ्चालन गरेको कार्यक्रममा लालीगुराँस फेन्सी वेयरका अन्वर आलम, गोकुल चिडिमार, छात्रा, छात्राका अभिभावक लगायतको सहभागिता रहेको थियो ।
कार्यक्रमका वक्ताहरुले छात्राहरुको शिक्षाको महत्व, नियमित विद्यालयमा उपस्थिति हुनुपर्ने आवश्यकता लगायतको बारेमा धारणा राखेका थिए ।
