नेपालगञ्ज, राष्ट्रिय स्वतन्त्र पार्टीले नेपालगञ्जमा नगर अधिवेशन गर्ने भएको छ । यही पुष १५ गते नेपालगञ्ज उप–महानगर अधिवेशन गर्न लागिएको हो ।
नेपालगञ्जमा गर्न लागिएको रास्वपाको यो प्रथम एतिहासिक नगर अधिवेशन रहेको रास्वापा बाँके क्षेत्र नं. २ का सभापति विवेक कुमार श्रेष्ठले जानकारी गराए ।
अधिवेशनमा केन्द्रीय सदस्य तथा प्रवक्ता मनिष झा र केन्द्रीय सदस्य तथा सचिवालय सदस्य हरि ढकाल आउन लागेका सभापति श्रेष्ठले बताए ।
उनका अनुसार अधिवेशन पुष १५ गते नेपालगञ्ज स्थित सिद्धार्थ कटेजमा दिउँसो १२ः३० बजेबाट सुरु हुने कार्यतालिका रहेको छ ।
साथै वृहत पार्टी प्रवेशको कार्यक्रम समेत रहेको पार्टीले जनाएको हो ।
