काठमाडौं । सरकारले सञ्चार तथा सूचना प्रविधि मन्त्रालयमा सूचीकृत हुन नआउने सामाजिक सञ्जाल बन्द गर्ने निर्णय गरेको छ ।
बिहीबार सञ्चारमन्त्री पृथ्वीसुब्बा गुरुङको नेतृत्वमा बसेको बैठकले तोकिएको म्यादभित्र सूचीकरण हुन नआउने सामाजिक सञ्जालमाथि प्रतिबन्ध लगाउने निर्णय गरेको हो ।
फेसबुकलगायत २६ वटा सामाजिक सञ्जाल आजदेखि नै बन्द गरिने भएको छ । बैठकमा मन्त्रालयका अधिकारी, टेलिकम प्राधिकरणका अधिकारीलगायतको उपस्थिति रहेको थियो ।
सरकारले नियमनमा आउनका लागि फेसबुकलगायतका सामाजिक सञ्जाललाई दिएको एक साताको समयसीमा गएराति सकिएको थियो ।
