काठमाडौं । पछिल्लो २४ घण्टामा नेपालमा १५ सय ३९ जनामा कोरोना भाइरस (कोभिड–१९) संक्रमण पुष्टि भएको छ ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार कुल संक्रमितको ५८ हजार ३ सय २७ पुगेको छ।
हालसम्म सक्रिय संक्रमितको संख्या १६ हजार २४२ जना रहेका छन्।
यस्तै होम आइसोलेसनमा ७ हजार ७०१ रहेका छन् भने संस्थागत आइसोलेसनमा ८ हजार ५४५ जना रहेका छन्।
त्यस्तै, हाल क्वारेन्टाइनमा रहेनेको संख्या सात हजार ८२० रहेको जागेश्वर गौतमले जानकारी दिए।
पछिल्लो २४ घण्टामा १ हजार ६८ जना कोरोना जितेर डिस्चार्ज भएका छन्।
योसँगै कुल डिस्चार्ज हुनेको संख्या ४१ हजार ७०० पुगेको छ। यो ७१.५ प्रतिशत हो।