पछिल्लो २४ घण्टामा नेपालमा ८५५ जनामा कोरोना भाइरस (कोभिड–१९) संक्रमण पुष्टि भएको छ ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार कुल संक्रमितको संख्या ३३ हजार ५ सय ३३ पुगेको छ।
यस्तै मन्त्रालयका अनुसार १४ हजार २ सय ५० जना कोरोनाका सक्रिय बिरामी छन्।
संस्थागत आइसोलेसनमा ८ हजार पाँच सय ८१ जनाको उपचार भइरहेको छ । यस्तै होम आइसोलेसनमा ५ हजार ६६९ जना छन्।
हाल सम्म क्वारेन्टाइनमा रहेनेको संख्या १० हजार ४५३ रहेको जागेश्वर गौतमले जानकारी दिए।
त्यस्तै, मन्त्रालयका अनुसार पछिल्लो २४ घण्टामा ३१३ जना डिस्चार्ज भएका छन्।
कुल डिस्चार्ज हुनेको संख्या भने १९ हजार ११९ पुगेको छ। यो कुल संक्रमितको ५७ प्रतिशत हो।
