नेपालगञ्ज, राप्रपा सम्वद्ध युवा विद्यार्थीले मंगलबार नेपालगञ्जमा भूमि अतिक्रमणको विरोधमा प्रदर्शन गरेका छन् ।
लकडाउनको समयमा मध्यान्ह राप्रपाका नेता कार्यकर्ताले भारतले नेपालको भू–भाग अतिक्रमण गरेको भन्दै विरोध प्रदर्शन गरेका हुन् ।
राप्रपाका युवा नेता ऋषिराज देवकोटाले भारत सरकारले नेपालको सीमा अतिक्रमण गर्नुमा नेपाल सरकारको समेत कमजोरी रहेको बताउनुभयो । नेपालगञ्जको विपी चोमा विरोध प्रदर्शन गरिएको हो ।
विरोध ¥यालीका सहभागीले प्रधानमन्त्री केपी शर्मा वली र सरकारको विरोधमा समेत नाराबाजी गरेका थिए । लिपुलेक, कालापानी र लिम्पियाधुरा क्षेत्र तत्काल फिर्ता ल्याउन सरकारलाई दबाब दिन विरोध प्रदर्शन गरिएको राप्रपाले जनाएको छ ।
भारत सरकारले पछिल्लो समय लिपुलेक क्षेत्रमा सडक निर्माण गरि उद्घाटन गरेपछि नेपालमा यसको सर्वत्र विरोध भईरहेको छ ।
राप्रपाका युवा नेता देवकोटाले अहिले सीमा अतिक्रमण विरुद्ध भारत सरकारसँग नेपालले कडारुपमा प्रस्तुत हुनुपर्ने अवस्था रहेको बताउनुभयो ।
राप्रपाका युवा विद्यार्थीहरुले भारतसँग बारम्बार सीमा विवाद गरिरहनु भन्दा सीमामा काँडेतार लगाएर बिवादको अन्त्य गर्नुपर्ने माग समेत गरेका छन् । संसदमा समेत जोडदार आवाज उठिरहेको अवस्थामा सडकमा समेत प्रदर्शन सुरु भएको हो ।
रा िस्ट्रय प्रजातान्त्रिक महिला संगठन बाँकेको जिल्ला सभापति इन्दिरा शाहिको टिम लगायतको सहभागिता रहेको थियो ।