काठमाडौं । नेपालमा कोरोना भाइरसबाट सोमबार थप ३ जनाको ज्यान गएको छ । पछिल्लो २४ घन्टामा यो तथ्यांक थपिएको हो ।
मृत्यु हुनेमा मोरङ जिल्लाका ६० वर्षीय पुरुष, काठमाडौंकी ५८ वर्षीया महिला र रौटहटका ३२ वर्षीय पुरुष रहेका छन्।
योसँगै नेपालमा कोरोना संक्रमणबाट मृत्यु हुनेको संख्या १०७ पुगेको छ ।
यसअघि आइतबार स्वास्थ तथा जनसंख्या मन्त्रालयले १०४ जनाको ज्यान गएको तथ्यांक सार्वजनिक गरेको थियो ।
पछिल्लो २४ घण्टामा नेपालमा ५८१ जनामा कोरोना भाइरस (कोभिड–१९) संक्रमण पुष्टि भएको छ ।
यो सहित कुल संक्रमितको संख्या २७ हजार २ सय ४१ पुगेको छ ।
